Item de eerweerdige hee(re) en(de) meest(er) gielis fabri/ doctoir ind(er) heylig(er) godheit en(de) arnoldus van/ kets doude beyde als executeurs vand(en) testame(n)te/ en(de) uut(er)sten wille katlijne(n) wijle(n) moelesleg(er)s/ wettige weerdi(n)ne desselfs arnold(us) uut crachte/ vanden selve(n) testamente bij huer gemaict met/ consente vand(en) selve(n) arnold(us) vand(er) daet der/ gebuerte(n) ons hee(re)n duysent vierhondert lxxxviii/ januarii xii dair notar(is) af was her lodewijck/ roekeloes ende bezund(er)t vand(en) clausule(n) d(aer) inne/ begrepen luden(de) aldus It(em) es den wille vand(en)
//
testatersse(n) voirs(creven) dat alsoe v(er)re als mariken/ hue(re) docht(er) storve eer zij geprofesset wae(re) in enig(er)/ ordenen oft tot huwelijck(er) staet come(n) dat alsdan/ alle de goede have en(de) erve bevonden achter/ de voirs(creven) marie sullen aenveert wordden bij/ hue(re) momboire(n) en(de) gedistribueert bijd(en) selve(n) mo(m)boire(n)/ deen hellicht totten erfgename(n) van katlijne(n) huer(er)/ moed(er) zijd(en) niet nae dat zij naird(er) zijn van bloede/ en(de) geslechten mair nae dat zijs meest behoeven(de)/ sijn want zijt hen liet niet als haren erfgename(n)/ mair in aelmoissen ende dese distributie sal staen/ ter discretien vand(en) momboire(n) Hebben getransporteert/ en(de) ov(er)gegeve(n) en(de) mits desen transporte(re)n en(de) ov(er)geve(n)/ clase scaeruet sone wijle(n) m(er)tens wettich oem d(er)/ voirs(creven) wijle(n) katlijne(n) testatersse vand(er) moed(er) zijd(en)/ als den naiste(n) erfgename(n) vand(er) selv(er) moeder/ zijd(en) en(de) oick den ghene(n) die des navolgen(de) den/ selve(n) testamente meest behoeven(de) es soe deselve/ momboirs des wael te bynne(n) sijn de hellicht/ van alsulken drie rinssche guld(en) erffelijck jairlijcx/ den tweeste(n) dach van junio vallen(de) als deselve/ katlijne int geheel behielt anno lxxxvi junii/ s(e)c(un)da voers(creven) aen en(de) op een huys en(de) hoff mette(n) toe/ behoirte(n) wijlen d(er) selv(er) katlijne(n) nu meest(er) peet(er)s/ gans gelegen inde p(er)cstrate tusschen de goede wijle(n)/ wout(er)s van berthem nu desselfs meest(er) pet(er)s ter/ eenre en(de) wijle(n) jans van kiesekem d(aer)nae jans/ van borre t(er) ande(re) zijd(en) [bekeert] maken(de) den selve(n) claese/ irr(e)vocabilit(er) mechtich de hellicht vand(en) selve(n)/ rinte(n) jairlijcx opte heffen en(de) tontfange(n) (et)c(etera) v(er)sette(n)/ v(er)coepen en(de) sijne(n) wille dair mede doen als van/ rinten he(m) als den naisten leven(de) van dier zijd(en)/ toebehoiren(de) en(de) oick dair hij uut crachte voirs(creven)/ gelijck voe(r) bij declaratien d(er) momboire(n) voirs(creven)/ inne geinstitueert wordt op vuege ende
//
conditie dat mits desen ter ande(re) zijd(en) deselve/ claes voe(r) hem sijne(n) erve(n) en(de) nacomelinge(n) appro/ be(re)nde tselve testament in allen ande(re)n zijne(n)/ pointe(n) quijtgescouwen heeft alle trecht actie/ en(de) toeseggen dat hij e(n)nichssins hebben mochte/ oft soude moege(n) eysschen voird(er) dan dese rinte(n)/ voirs(creven) in tselve testament oft des d(aer) uut gespruyt/ mach zijn oft spruyte(n) soude moege(n) Ende voirts/ de momboe(re)n van al tgheene des hij he(n) oft/ e(n)nige van he(n) eysschen soude moegen uut/ saken vand(er) selv(er) momborien en(de) hue(re)n bewijnde/ in dien Promitt(entes) nullate(n)[(us)] alloqui sed war(andizare)/ cor(am) berge hermeys februarii xx