Inder manie(re)n navolgen(de) soe sijn meest(er) wout(er) van/ replemu(n)da meest(er) karle pucheys en(de) pet(er) pullekens/ ind(en) name en(de) van wegen der clerckcapelle(n) alh(ier)/ ind(er) stadt ov(er)come(n) met meeste(re)n henr(icke) van ev(er)ghem/ der stadt meester bij tussche(n)spreken(e) van seke(re)n hue(re)n/ vrind(en) en(de) goed(en) ma(n)nen bij hen in dien genomen/ te weten(e) henr(ic) pynnock ja(n)ne van buetsele borg(er)/ meeste(re)n goirde h(er)meys roelofve lombart en(de) meer ande(r)/ van alsulcken hondert rinsgulden(en) met gaders e(n)nig(en) costen/ dair inne de meesters vand(er) selv(er) capellen corts metter/voirled(en) stadt t(er)minat(ien) vand(er) daet ap(ri)lis t(er)cia lestleden/en(de) uuytspraken gecondempneert sijn den selve(n) te v(er)nuegen(e)/ en(de) te betalen(e) uuyt saken vand(en) steynen(en) wercke staen(de)/ bove(n) s(in)[te] anth(onis) outair inder selv(er) capellen Te weten(e) dat/ de voirs(creven) capelmeest(er)s bove(n) alle sgheens des meest(er) henr(ix)/ ghehave(n) heeft noch in gereed(en) ghelde betalen sullen vand(en)/ selve(n) hond(er)t gulden(en) lxxx rinsgulden(en) mu(n)ten nutertijt cours/ hebben(de) Te weten(e) t(er) stont dair aff viertich oft vijftich/ rinsguld(en) in gered(en) gelde oft silve(re)n pande(n) uuytreyke(n)/ om die pe(n)ninge(n) dair op te moegen ontleene(n) ende/ die stelle(n) met rechte in hand(en) vand(en) selve(n) meeste(re)n/ henr(icke) ende die panden sullen zij moeten losse(n) tussche(n)/ dit en(de) sinxen(en) naistcomen(de) en(de) oft zijs niet en daden/ datmen dan deselve pe(n)ni(n)ge met coste en(de) co(m)me(r) dair/ aen sal moegen verhale(n) en(de) tsurplus in dien overende/ hebbe(n) deselve geloeft den selve(n) meeste(re)n henr(icke) te moete(n)/ betalen int beghinsel vander oechstmaent dair nae/ volgen(de) en(de) soe wa(n)neer de voirs(creven) silve(r) pande te
//
sinxen(en) afgequete(n) sullen werd(en) aend(en) selve(n) meeste(re)n henr(icke)/ soe sullen deselve pande den selve(n) meeste(re)n henr(icke) voir/ tselve surplus in handen bliven om tselve ten daighe/ voirs(creven) oft dair gebreck aen wae(r) te moege(n) verhalen en(de)/ oft de capelmeest(er)s en(de) p(er)soene(n) voirs(creven) die liete(n) vercoopen/ soe sal de voirs(creven) reste(re)nde schult ter stont geheel gevallen/ sijn en(de) die sal meest(er) henr(ic) met sijnd(er) voirs(creven) t(er)minac(ien) opde/ kerckmeest(er)s dair inne begrepe(n) moegen verhalen en(de) sulle(n)/ mits den selven lxxx gulden(en) voirs(creven) vanden hondert/ versmelten alle costen in de selve co(n)dempnatie der t(er)minac(ien)/ voirs(creven) begrepe(n) noch oic den selve(n) meeste(re)n henr(icke) in dier/ so(m)men niet afgereekent werde(n) wes meest(er) henr(ic) in des(er)/ gehaven mach hebbe(n) mair int geheele betaelt werdd(en)/ inder manie(re)n voirs(creven) alle fraude en(de) argelist uuytgescheiden/ Ende als vande(n) thien gulden(en) die meest(er) henr(ic) van m(ijn)/ vrouwe(n) van halde(r) gehave(n) soude moege(n) hebbe(n) die en sijn/ h(ier)inne niet begrepen mair d(aer)aff steet meest(er) henr(ic) tege(n)/ deselve vrouwe op sijn beloep Hier inne oic versien oft/ gebuerde dat de regeerders vand(er) capellen de geheele/ so(m)me tot lxxx gulden(en) toe oft d(aer)omtrint van m(ijn) vrouwe(n)/ van halder oft hue(re)n mo(m)boir met rechte oft and(er)ssins eer/ de voirs(creven) t(er)mijne(n) co(n)st(en) gecrigen dat in dien ghevalle/ zij oic den selve(n) meeste(re)n henr(icke) geheel betale(n) sulle(n)/ vand(er) selv(er) so(m)men hoe wel de voirs(creven) t(er)mijne(n) niet v(er)schene(n)/ en soud(en) moeghe(n) wesen Ende oft hier inne int geheele/ oft deele namaels naemaels gebreck viele es oick/ altijt ond(er)sproken dat meest(er) henr(ic) tot voldoeni(n)ghe(n) vand(en)/ voirs(creven) so(m)men als voe(r) hem sal moege(n) behulpe(n) op de/ kerckmeest(er)s ind(en) voirs(creven) t(er)minac(ien) begrepe(n) nae des(er) stadt/ recht als dat behoe(re)n sal mett(er) selv(er) t(er)minac(ien) p(ro)mitt(entes)/ rat(um) renu(n)cian(tes) inq(u)itu(r) intitulati sunt cor(am) hermeys/ berghe ap(ri)lis xiii

Van des(er) lxxx r(ins)g(ulden)/ heeft meest(er) he(n)rick/ bekint ontfa(n)g(en) te/ hebben(e) opt(en) dach/ datu(m) van desen/ seven r(ins)g(ulden) xii st(uvers)/ vand(en) wissele(r) joh(ann)es/ heyms It(em) van/ meeste(re)n kairle puchey/ xviii st(uvers)