Want arnoldus van vroenhoven als geleyt nae des(er)/ stadt recht voir zijn wettich gebreck uuyt cracht van/ scepen(en) brieve(n) van loeven(en) tot allen den goede(n) beyde/ have ende erve goirts de kersmake(re) soe wair die/ belege(n) zijn hem met gielijse de vos vorste(r) va(n) des(er) stat/ alle de selve goede behoirlijck heeft doen leve(re)n ende/ henricke vekenstijl bevolen nyema(n)de betali(n)g(en) te doen/ aengaen(de) tgene des hij sculdich mocht wese(n) dan de(n) selve(n)/ geleidd(en) ende den voirs(creven) goirde de kersmake(re) met br(ieven)/ van des(er) stadt dach bescheyt te comp(ar)e(re)nde inde banck/ voe(r) meye(r) ende scepen(en) van loeven(en) oft hij hem tege(n) de/ voirs(creven) leveri(n)ge hadde willen oppone(re)n heeft doen/ bescheiden Aldair op heden als ten verstreken(en) daige/ hij nyet gecomp(ar)eert en es noch procur(eur) van zijne(n) wege(n)/ he(m) d(aer)tege(n) oppone(re)nde den voirs(creven) geleydd(en) altijt/ comp(ar)e(re)nde ende trecht voirt versueken(de) soe hebbe(n)/ de scepen(en) van loeven(en) ter manissen smeyers nae dat hen/ behoirl(ijck) gewese(n) gebleke(n) heeft bij cleernisse(n) des voirs(creven)/ vorst(er)s en(de) oick giel(ijs) eveloge des(er) stadt bode den voirs(creven)/ brief aen de(n) voirs(creven) goirde gedragen te hebbe(n) gewesen voir een vo(n)nis(e)/ soe verre de wederp(ar)tie des voirs(creven) geleidd(en) niet en comp(ar)eerde/ voe(r) den opstaen(en) smeyers en(de) scepen(en) datme(n) de(n) voirs(creven) geleidde(n)/ houde soude inde macht van zijne(n) scep(enen) br(ieve) [en(de)] leveri(n)g(en) en(de)/ alsoe verre het noch voe(r) scep(enen) come(n) es in sca(m)pno maii x[a]