Want paeschijne du pont weduwe jans wijle(n)/ blocschoen die uut crachte va(n) scepen(en) brieve(n) va(n) loven(e)/ ov(er)lang gepasseert houdende en(de) heffen(de) es seve(n) mudde(n)
//
corens goet ende paiabel der mate(n) en(de) pacht/ van wave(r) erfpachts vallende jairlijcx s(in)t andries/ messe apostels ende te wave(r) oft t(er) vue(re)n te leve(re)n/ aen ende op de hellicht vande(n) huyse(n) woeni(n)ge(n) hove(n)/ schue(re)n stallen boeg(ar)de(n) en(de) ande(re)n toebehoirte(n) geheeten/ moerselle ende oic aen ende op de hellicht van/ xxvii boende(re)n lants ende drie dachmale(n) soe beempt/ soe bosch en(de) den toebehoirte(n) toebehoiren(de) tott(er) voirs(creven)/ woeni(n)gen gelege(n) inde p(ro)chie van nyel s(in)t m(ar)tin/ in div(er)sen plaetssen ende stucken aldair hem met brieve(n) van des(er) stadt gescreve(n) aende(n) meye(r)/ van nyel s(in)t m(ar)tin oft zijne(n) stedehoude(r) alle de/ selve goede ende ond(er)pande behoirlijck heeft doen/ leve(re)n ende colarde du pont brued(er) der voirs(creven) paeschijne(n)/ ende colarde de clerc zijne(n) wynne dach van/ rechte alhier te compare(re)n inde banck voir meye(r) en(de)/ scepen(en) van loven(e) oft zij hen tege(n) de selve leveri(n)ge/ hadde(n) wille(n) oppone(re)n oft yet allege(re)n doen bescheyde(n)/ Aldair zij niet gecompareert en zijn noch nyema(n)t/ van hue(re)n wegen der voirs(creven) paeschijne(n) compare(re)nde/ en(de) trecht voirt versueken(de) so hebbe(n) de scepen(en)/ van loven(e) t(er) manissen smeyers nae dat hen/ behoirlijck heeft gebleken bij rapporte wout(er)s/ van boene(n)rode des(er) stadt bode de voirs(creven) leveringe/ ende dachbescheydinge behoirlijck geschiet te/ zijne gewesen hebben voir een vonnisse wair/ de wed(er)p(ar)tie des voirs(creven) paeschijne(n) niet en/ compareerde voe(r) den opstaen(en) smeyers en(de) der scepen(en) datme(n) de selve paeschijne vand(er) hellicht/ vande(n) voirs(creven) goede(n) houde(n) soude inde macht van/ hue(re)n scepen(en) brieve(n) van loven(e) en(de) leveri(n)gen voirs(creven)/ alsoe v(er)re alst noch voir scepen(en) come(n) es Behalve(n)/ dat peet(er) de reu rinte(n) opde selve goede hebben(de) p(ro)testee(re)nde/ vand(en) selve(n) zijne(n) rinte(n) onv(er)let te staene In sca(m)pno sept(embris) x