Vand(er) aenspraken die willem van assche lieuten(ant) ende in/ absen(cien) he(re)n lod(ewijck) pynnocx ridd(er)s meyers van loeven(e) ind(en) name/ van ons(en) gened(ichen) hee(r) den h(er)toge gedaen heeft als meye(r) van/ loeven(e) op ja(n)ne loenijs cuype(r) als geva(n)gen man he(m) op en(de)/ aen seggen(de) hoe deselve in voirleden(en) tijd(en) voir en(de) o(m)trint/ der lester orlogen en(de) divisien die h(ier) geweest es in grooten/ ov(er)moede wreeth(eyt) en(de) gramscape(n) den voirs(creven) he(re)n lod(ewijck) pynnock/ rijden(de) voir desselfs jans huys zee(r) wreede en(de) horribile/ woirde gesproken hadde gedragen(de) t(er) geheeld(er) diffamien en(de)/ p(er)ikele vand(en) live vand(en) selve(n) he(re)n lodewijcke Te weten(e)/ siet wair die valsche v(er)rade(r) rijden(de) compt oft d(er)re gelijcke/ in substan(cien) woirde deselve jan die bekynne(n) soe kynde hij/ de wairheyt en(de) oft hij die ontkynne(n) woude soe p(rese)nteerde/ de voirs(creven) willem als meye(r) die te thoene(n) den rechte/ genoech sijnde en(de) metten mi(n)sten te gestaen(e) hopen(de) tot
//
sijnder conclusien wair hij dat gethoene(n) conste dat hem/ deselve jan gewijst soude werdden t(er) banck en(de) scarp(er) exami(n)atie(n)/ om ten bijsijne van gedeputeerd(en) vand(er) stadt van he(m) te/ weten(e) nairder sijne(n) gront en(de) meyni(n)g(en) van dien woirden en(de)/ sijn adhe(re)nte(n) wair uuyt hij die alsoe geseecht mocht hebben/ en(de) tot wat ynde en(de) meyni(n)gen hem des gedragen(de) totten/ rechte te voird(er) oic nae den staet en(de) gelegenth(eyt) vanden/ p(er)soen m(ijn) he(re)n voirs(creven) Dair tegen de voirs(creven) jan met/ sijne(n) gelev(er)den voirspreke he(m) v(er)antweerden(de) ontkynde/ geheel tvermet en(de) bijleggen des lieuten(ants) voirs(creven) ende dede/ seggen al wairt soe dat deselve lieuten(ant) die woirde/ alsoe geseecht te sijne gethoenen conste des hij nu(m)mermeer/ en soude zoe en wae(re)n die noch oic gheen ande(re) d(er)re gelijcke/ woirde alsulck nyet dat d(air)o(m)me sulck c(ri)minele co(n)clusie/ van hem d(air)o(m)me t(er) banck te hebben geadmitteert soude/ wordden oft datme(n) d(air)om op oft tegen hem sculdich wae(re)/ c(ri)minelijc te procede(re)n Te voird(er) want opde injurieuse/ woirde dieme(n) yeman(t) geven mochte al wae(re)n die oick/ alsulck en(de) soe groot dat diegene dieme(n) die ov(er)seggen/ oft geven mochte oft zij wair wae(re)n d(air)aen sijn lijf hadde/ v(er)buert en hadde de bet(er)nisse niet hooger noch grooter geweest/ int gemeyn dan eenen wech te mylanen Ende ald(air) bij/ des(er) ende meer ande(re)n reden(en) sustineerde de voirs(creven) verweerde(r)/ de (contra)rie van des voirs(creven) lieuten(ants) co(n)clusien en(de) dat deselve/ lieuten(ant) met sijnd(er) c(ri)mineeld(er) conclusien wae(re) verdoelt/ versueken(de) op cautie en(de) borchtocht ontslagen te werdden/ vand(er) hachten hij p(rese)nteerde den lieuten(ant) in dien hij/ he(m) d(air)af civilijc betichte te anw(er)d(en) soe sijne(n) raidt soude/ gedragen op dwelc ger(e)pliceert en(de) gedupliceert sijnde/ en(de) de scep(enen) bijd(en) voirs(creven) lieuten(ant) gemaent wesen(de) vo(n)nislijc/ gewesen hebben dat de lieuten(ant) met sijnen voirnemen(en)/ verdoelt es gelieft hem den voirs(creven) ja(n)ne civilijc aen tespreken(e)/ dat hij dat doen mach ende d(air)entind(en) recht cor(am) liefke(n)rode/ graven bouchout naen m(ar)tii xxviii