Vand(er) questien geport voe(r) meye(r) ende scepen(en) van loeven(en)/ tusschen pete(re)n shanen aenlegghe(r) ter eender ende/ arnde van oevele ter and(er) sijd(en) ald(air) de selve pet(er)/ seidt en(de) te kinnen gaf hoe arndt voirs(creven) hem/ verobligeert hadde hem te betalen(e) de so(m)me van/ xiii rinsguld(en) en(de) xxxiiii stuv(er)s en(de) dat bynnen/ des donderdaechs doen volgen(de) des none(n)s welke/ gelufte gesciede voir scepen(en) alhier dair hijs hem/ toe gedroech april(is) xxiii lestleden ende dat/ op eenen banduijn van iiii(½) rinsg(ulden) It(em) hoe dat/ de selve gelufte bij gebreke van dien bij hem/ gevo(n)nist was maii vi[a] dair nae en(de) hoe/ dat hij pete(re)n hadde doen aensueken dat hij/ hem hadde willen betalinghe doen d(air) de/ voirs(creven) aerdt mede spotten(de) soe hij seit t(er) antw(er)d(en)/ gaf hij en hadde egheen ghelt tot pet(er)s behoef/ mair hij hadde voldaen en(de) dat hij die d(air)/ niet hebben en soude tot sijnen goede in drie wek(en)/ en(de) hoe wel pet(er) sijn pe(n)ni(n)g(en) nad(er) valdach hadde/ beg(er)t en(de) doen aensueken aen aerde om die tontfangen(e)/ ten tijde als de wet van zichen(en) tsijnen huyse quam/ om hem te cu(n)digen dat sijn pe(n)ni(n)g(en) d(air) stonden en(de)/ bij aerden geset wae(re)n dat f tselve zijnd(er) huysvr(ouwen)/ niet gebue(re)n en mochte als de selve conde gebuerde/ en(de) hoe dat de selve [pe(n)ni(n)gen] dair t(er) stont nad(en) setten(e) ge/ co(m)mert wae(re)n bij e(n)nig(en) desselfs pet(er) creditue(re)n/ en(de) als de werdi(n)ne des voirs(creven) pet(er)s die de(dinge)?/ beg(er)de te hebben(e) ten tijde vand(en) conde(n) huer ged(aen)/ bijd(en) wet oft scepen(en) voirs(creven) de selve scepen(en)/ antwerd(en) dat die gerasteert wae(re)n en(de) hoe dat/ de selve d(edinge)? bijd(en) genen die die gerasteert hadd(en)/ aenvert wae(re)n hoe wel sij die nad(er)hant wed(er)/ bracht mochten hebben ond(er) wet hem beduchten(de)/ dat zijt nae recht niet gehandelt en hadden/ oft die uuytgewo(n)nen als dat behoirde wair/ bij men genoech mercken mochte tfaideur dwelc
//
de wethoude(re)n arnde drog(en) om hem pete(re)n die tongoede/ te maken(e) ende hoe dat hij selve sijn d(edinge)? versocht/ hadde aen aerde voirs(creven) twee uren nad(er) nonen ten/ tijde als die des dond(er)daechs als voirs(creven) steet des/ none(n)s v(er)schenen wae(re)n en(de) hoe dat he(m) die niet/ gebue(re)n en mocht(e) en(de) antwerde deselve arndt/ d(air)op als voe(r) It(em) dat hij sijn d(edinge)? oic aensocht hadde/ aende wet van zichen(en) d(air) die bij aerden geset/ mochten sijn en(de) dat een vand(en) scepen(en) d(air)op ge/ antwert hadde de d(edinge) sijn geco(m)mert en(de) houd(en)/ dat aert voldaen heeft en(de) dat pet(er) d(air)op wed(er)/ antw(er)de dat hij hielt dat aert niet voldaen en/ hadde want hadde hij willen voldoen hij/ hadde hem die moten geven oft te loeven(en) dair/ de gelufte gesciet was ond(er) daer de wet sett(en)/ Item gedroech hem des pet(er) totten rechte en(de)/ den costumiers dat van alsulk(er) geluft(en) de/ debitue(re)n behoirden die hue(re)n creditue(re)n selve te/ geven(e) oft bij e(n)nig(er) swairheyt ten minst(en) te po/ depone(re)n onder wet dair de brieve gepasseert/ wae(re)n Item hoe dat hij ten selven daghe als aerdt/ de d(edinge)? sette was buyten gegaen tot cortenake/ bij mijnen hee(re) van vlierbeke ende wed(er)o(m)me/ thuys quam tusschen xi en(de) xii uren inde noe(n)sto(n)t/ en(de) dat de conde gedaen was eer hij thuys/ quam Item hoe dat sijn wed(er)p(ar)tie den banduin/ voirs(creven) bet(aelt) hadde den meye(r) alhier ind(en)/ scepen(en) brieve begrepen bijd(en) welk(en) dat bleec/ dat deselve aert niet voldaen en hadde sustine(re)nde/ alsoe tot sijnd(er) conclusien dit bij hem gethoent oft/ bij sijnd(er) p(ar)tien bekint dat de voirs(creven) aert hem/ die pe(n)ni(n)g(en) sculdich soude sijn op te leggen(e) ende/ te betalen(e) ende niet sculdich sijn te gestaen(e) mett(er)/ depositien bij hem in dien gedaen ond(er) de wet/ van sichen(en) dair tegen de voirs(creven) aert hem v(er)ant/ werden(de) heeft yerst geexhibeert een certificatie
//
van twee scepen(en) d(er) stadt van zichen(en) voirs(creven) onder/ hue(re)n segel inhouden(de) dat deselve arndt geset/ en(de) gestelt hadde in hue(re)n hand(en) als scepen(en) opten/ dond(er)dach xxv van aprille lestled(en) tusschen xi/ en(de) xii uren voe(r) d(er) nonen de so(m)me van xiiii/ rinsg(ulden) en(de) xviii stuv(er)s tot behoef pet(er)s shanen/ bege(re)nde aen hen dat zij dat den selven pete(re)n/ cu(n)digen wouden consente(re)nde mede den selven/ pete(re)n deselve d(edinge)? te mogen uuyt hue(re)n handen/ heffen en(de) ontfangen dwelc zij ten selven daghe/ en(de) uren peters voirs(creven) huysvr(ouwe) en(de) huysgesi(n)ne/ gecu(n)dicht hadden want zij pete(re)n thuys niet/ en vonden welke certificatie was vand(er) daet/ xxii daghe in meye oic lestled(en) It(em) beg(er)de/ voerts de selve arndt gevisenteert te hebben(e) d/ de gelufte bij hem gedaen dair men m(er)kelik(en)/ bevi(n)den soude dat den valdach van dien [en(de)] tsetten/ vand(er) d(edinge)? bij hem gedaen gesciet es op eene(n)/ dach en(de) voe(r) de ure Ende hoe dat hij ten/ selven daghe en(de) voe(r) d(er) nonen sijn diligen(cien) gedaen/ hadde tot zichen(en) om den voirs(creven) pete(re)n te vi(n)den(e)/ en(de) zijn betalinge te doen(e) en(de) dat pet(er) hem/ absent maecte en(de) hem niet gevind(en) en conste/ voe(r) dat de clocke xii gheslagen was ende/ nae none doen den valtijt vand(er) geluften/ ov(er)strecken was seit oic de voirs(creven) aert dat hij/ den banduin aenvert sijnde bijden meye(r) van loven(en)/ niet betaelt en hadde dan op conditie bij alsoe/ oft men bevonde dat pet(er) dien tonrechte gegeve(n)/ hadde dat arndt dien gerestitueert soude werd(en)/ en(de) hoe dat hij pete(re)n als voe(r) gesocht hadde ten/ tijde vanden valdage tsijnen huyse tot sichen(en)/ d(air) sij beide wonen(de) waren d(air) goede conde af/ was en(de) dat hij oic doen seit hoe(re)nde seggen
//
nae tselve setten bij hem gedaen dat de pe(n)ni(n)ge(n) gerasteert/ wae(re)n bij e(n)nig(en) creditue(re)n desselfs pet(er)s dat hem dat/ leet was en(de) dat gelufte wel dond(er)daechs nae d(er)/ nonen was als de gelufte verscheen eer peeter/ thuys quam vanden tijde dat de gelufte gebuerde/ behalven dat hij twee uren des goensdaigs te voe(re)n/ thuys mochte sijn geweest ende niet lang(er) p(rese)ntere(n)de/ dese pointen te thoen(en) soe verre die hem ontkint/ werd(en) bij sijnd(er) partien co(n)clue(re)nde t(er) co(n)trarien te/ weten(e) dat hij metter setting(en) gestaen soude en(de)/ nae sgheens des d(air) toe ghebuert was als voe(r)/ ghenoech wae(re) ende also tonrechte betaelt hadde den/ banduin proteste(re)nde dairaff sijn recht op pete(re)n namaels te/ mogen v(er)halen en(de) oic ongehoud(en) soude sijn pete(re)n e(n)nighe/ ande(re) betalinghe te doen(e) hem des gedragen(de) totte(n) rechte/ Ende scepen(en) des gemae(n)t sijnde bijd(en) meye(r) hebbe(n) partien/ gewesen in weersijd(en) tot hue(re)n thoene den welken de/ selve p(ar)tien ten daghe d(air)toe dienen(de) en(de) bij he(n) genome(n)/ geleit hebben ald(air) de voirs(creven) pet(er) sijn v(er)meten(e) point(en)/ eensdeels ghethoent heeft niet nochtan tot sijnen/ vordeele mer meer ten acht(er)deele van hem en(de) tot/ vordeele van sijnd(er) p(ar)tien en(de) deselve aerdt sijns v(er)meets/ van sijnen pointe(n) hem releve(re)nde ghenoech en(de) gheheel/ volcomen es co(n)clude(re)nde alsoe beide p(ar)tien nae seke(re)n/[oprocien en(de) salvatien bij hen in hue(re)n] saken gedaen int langhe deselve hue(r) mater(ie) mits den/ reden(en) voirs(creven) ende ande(re) bij he(n) in dien gealligeert ten/ effecte altijt als voe(r) p(rese)nterende deselve aert voe(r)/ alle vo(n)nissen sijnen eedt te doen(e) dat hij niet en/ wiste vand(en) co(m)meringhe(n) vand(en) pe(n)ni(n)gen bij hem/ als voe(r) geset dat die gebue(re)n soude oft van/ sijnd(er) sijden oft van sijne(n)tweghen e(n)nich/ bedroch was Es gewesen t(er) manissen/ smeyers bijden scepen(en) dat aert van oevele/ mett(er) setting(en) vand(en) pe(n)ning(en) dair questie/ af es bij hem ond(er) weet van zichen(en) ghedaen/ gestaen sal in scampno o(mn)ib[(us)] scab(inis) p(rese)ntib[(us)] de(m)pt(is) lyefk(enrode)/ graven junii xxii