Want jan vand(er) bruggen geheete(n) mette(n) gelde als/ geleydt nae des(er) stadt recht voir sijn wettich gebreck/ uut crachte van scepen(en) brieve(n) van loven(en) tot allen den/ goeden beyde have ende erve jans van hoeye soe/ wair die gelegen sijn ind(er) stadt van loven(en) oft bi(n)ne(n)/ d(er) vrijheyt d(er) selv(er) hem met ja(n)ne berain vorste(r) va(n) des(er) stadt alle deselve goede behoirlijck heeft doen/ leve(re)n ende den selve(n) ja(n)ne van hoeye dach van/ rechte te compare(re)n inde banck voir meye(r) en(de) scepen(en)/ van loven(en) oft hij hem dair tege(n) hadde willen oppone(re)n/ doen besceyden Dair hij niet comen en es noch procur(ator)/ van sijne(n) wegen den voirs(creven) geleydden altijt compare(re)nde/ en(de) trecht voirt versueken(de) Soe v(er)re dat de scepen(en)/ t(er) manissen smeyers nae dat hen bij cleernissen willems/ claes oick vorst(er)s van des(er) stadt ind(en) name en(de) van/ wege(n) des voirs(creven) jans berains behoirlijck gebleke(n) heeft/ de voirs(creven) leveri(n)ge en(de) dach besceydinge gesciet te sijne/ gewesen hebben voir een vonnesse wair de wed(er)p(ar)tie/ des voirs(creven) geleydde(n) nyet en compareert voe(r) de(n) opstaen(e)/ smeyers en(de) d(er) scepen(en) datmen den selve(n) geleydden/ houde(n) soude inde macht van sijne(n) beleyde scepen(en)/ br(ieven) en(de) leveri(n)ge alsoe v(er)re alst noch voir scepen(en) come(n) es in/ sca(m)pno octobr(is) s(e)c(un)da