Allen den ghenen doen cond dat her machiel absoloens/ ridde(r) in p(rese)ncia heeft gemaict en(de) geordineert joh(ann)ese/ van nuwe(n)borch te zijne zijn meye(r) van zijne(n) hoven/ ende goeden gelegen te oerbeke te hocxshem ende/ houthem ende dair omtrindt Ende voirt geconst(itueert)/ gesedt volcome(n) macht procurat(ie) ende auctoriteyt
//
gegeven anthoenijse absoloens zijnen zone den voirs(creven) joh(ann)ese/ van nuwenborch joh(ann)ese de vos ende gielijse de mu(n)te(re)/ den jongen aut Alle zijn saken questien ende geschillen (et)c(etera)/ Te verwaren te manen teysschen op te bue(re)n ende tont/ fangen dair voe(r) te panden te daigen te beleyden/ rasteme(n)te(n) te doen leggen die met rechte texeque(re)n/ ende te vervolgen te bedingen te wynnen te verliese(n)/ alle gescriften ende libellen over te geve(n) ende te neme(n)/ te replice(re)n te duplice(re)n (et)c(etera) Alzoe wel int princi/ pael als int accessoir alzoe dicwile en(de) menichwerve(n)/ als dat behoe(re)n sal getugen te zien sweren die te/ batteren hue(re) deposicie te wederleggen alzoe/ dicwijle en(de) menichwerve(n) als dat gebue(re)n sal Ende/ ofts noot gebuerde de voirs(creven) saken te conteste(re)n te/ decline(re)n texcipie(re)n te reco(n)venie(re)n te bescudden/ composicie ende mynlijcke yeffeni(n)ge van al des voirs(creven) es/ te maken den sculders te quite(re)n ende volcome(n) quitan(cie)/ te geven (et)c(etera) in meliori forma Ende dat de voirs(creven)/ joh(ann)es van nuwenborch inden name ende van wegen/ des voirs(creven) hee(re)n machiels voirt alst hem gelieft sal moege(n)/ substitue(re)n eene(n) ande(re)n meye(r) vande(n) voirs(creven) hoven ende/ goede(n) geven(de) de selve her meye(r) machiel den selven/ gesubstitueerde(n) alsulcken volcome(n) macht ende auctoriteyt/ om de selve meye(r) vand(en) selve(n) hoven en(de) goede(n) te bediene(n)/ als hij den voirs(creven) joh(ann)ese van nuwenborch gegeve(n) heeft/ Promitten(s) rat(um) salvo iusto calculo cor(am) buetsele/ boechout julii ix