Item goerdt tyelens in p(rese)ntia heeft genomen ende bekint/ genome(n) te hebben van pete(re)n van dormale inden name/ en(de) als procur(ator) van m(ijn) jouffr(ouwe) wittema(n)s wed(uwe) wijle(n)/ joes absoloens thoff te breysem derselv(er) wed(uwe) metten/ huysen hove(n) wynnen(de) land(en) beempd(en) eeusselen en(de) met/ allen ande(re) sijne(n) toebehoirte(n) gelijc alst jan en(de) henrick/ wynants dat gehouden hebben Te houden(e) te besitten en(de)/ en(de) te gebruycken(e) van merte nu naistcomen(de) a(n)no xcii stilo/ braban(tie) eenen t(er)mijn van xii jae(re)n lanc due(re)nde deen/ nae dand(er) sond(er) middel v(er)volgen(de) Elcx jairs d(air)enbynne(n)/ om en(de) voe(r) de hellicht vand(en) coren(en) en(de) vruchte(n) wassen(de)/ en(de) comen(de) vand(en) selven wynnen(de) land(en) It(em) es vorw(er)de/ dat zij van malcande(re)n sullen moege(n) scheiden te negen/ jae(re)n behalven dat de ghene die sal wille(n) scheiden/ gehouden sal sijn den ande(re)n dit hoff op te seggen(e) een/ jair voir dnegenste jair It(em) es vorw(er)de alsmen tcore(n)/ inne doen sal dat de voirs(creven) wed(uwe) sculd(ich) sal sijn ald(air)/ te stellen(e) eene(n) van hue(re)n diene(re)n om de band(en) opt velt/ te slaene oft and(er)ssins behulpich te sijne om tcoren inne te
//
doene den welcken de wynne oic sculdich sal sijn/ den montcost te geven(e) It(em) alsmen tcoren vand(en) voirs(creven)/ land(en) inne vuere(n) sal soe sal de wy(n)ne gehouden/ sijn m(ijn) jouffr(ouwe) dierste voed(er) en(de) hem dand(er) voed(er) inne/ te vue(re)n en(de) alsoe vervolgen(de) totte(n) lesten en(de) vold(er) bet(alinge)/ It(em) sal oic gehouden sijn de selve wynne m(ijn) jouffr(ouwe)/ derssche(r) die zij stellen sal huer hellicht vand(en) graine/ te dersschen(e) te geven(e) den mo(n)tcost sond(er) m(ijn) joffr(ouwe)/ d(air) aff yet teysschen(e) ende dair voe(r) sal de wynne/ hebben de crinsen It(em) ende dat coren gedersschen/ zijnde sal de wynne gehouden sijn m(ijn) jouffr(ouwe) dat/ dat coren thuys te bringen(e) met sijne(n) wagen(en) ende/ p(er)d(en) sond(er) m(ijn) jouffr(ouwe) last Ende de beempde en(de)/ eeussele elcx jairs dierste thien jae(re)n des(er) sijnd(er) pecht(ingen)/ om en(de) voe(r) acht saluyte te xxx stuv(er)s tstuck drie/ pl(a)c(cen) voe(r) den stuv(er) ende dander twee jair elcx jairs/ d(air)enbynne(n) om en(de) voe(r) xii gelijcke saluyte van wey/ hue(re)n s(in)[te] m(er)tensmisse jairlijcx te betalen(e) Item es/ vorw(er)de dat de voirs(creven) goirt dit hoff en(de) wynnen(de)/ lande selve en(de) in p(er)soene sal moete(n) houde(n) sond(er)/ dair yema(n)d(e) and(er)s moege(n) te stellen(e) zijne(n) t(er)mijn/ due(re)nde It(em) es vorweerde dat de voirs(creven) wynne/ de voirs(creven) lande wynne(n) en(de) werve(n) sal gelijc regenoete(n)/ boven en(de) beneden en(de) sal de mesten wel en(de) loffelijc/ met cond(itien) dat hijse te sijne(n) drie laesten jae(re)n all/ ov(er)mesten sal Item es vorweerde dat de wynne/ niet en sal moegen houden ande(re) buyte(n) pachtlande dan/ alleene m(ijn) jouffr(ouwe) lande It(em) de wynne in sijne(n) twee/ laeste jae(re)n de voirs(creven) lande niet en sal moege(n) hoer/ vruchten ende van allen hoervruchten die de wy(n)ne/ voir de twee leste jae(re)n wynne(n) sal sal m(ijn) jouffr(ouwe)/ de hellicht hebben en(de) in allet goet dat opde lande/ gewo(n)nen werdt sond(er) d(air)aff e(n)nige lande bloke oft/ hovi(n)gen voe(r) uuyt te hebben(e) It(em) sal m(ijn) jouffr(ouwe)/ den wynne laten en(de) geven xl schove have(re)n sond(er)/ m(ijn) jouffr(ouwe) d(air)aff yet te geven(e) om dat hij gheen lande/ voir uuyt hebben en sal Item es vorweerde dat de/ wynne bynne(n) sijnen t(er)mijne sal moete(n) overm(er)gelen/ alle m(ijn) jouffr(ouwe) lande te weten(e) alle jae(re) twee oft drie
//
boende(re)n ende boven de drie boende(re) en sal de voirs(creven) wy(n)ne/ niet moegen mergele(n) d(air)aff m(ijn) jouffr(ouwe) sculdich sal sijn te/ bet(alen) de dachue(re)n vand(en) mergele te steken(e) en(de) de wy(n)ne/ sal dien moete(n) halen It(em) es vorw(er)de dat de voirs(creven) wy(n)ne/ de beken vloten grechte(n) straten en(de) wegen tege(n) derve liggen(de)/ vand(en) voirs(creven) hove veeghen rumen en(de) rep(ar)e(re)n sal wel/ en(de) loffelijc op zijne(n) cost It(em) sal de voirs(creven) wynne de/ beempde sluppe(n) en(de) de grechte(n) ruyme(n) en(de) de struycke(n)/ v(er)drive(n) en(de) afhouden op zijne(n) cost It(em) de voirs(creven) wy(n)ne/ sal moete(n) houden wel en(de) loffelijc de huysinge(n) vanden/ voirs(creven) hove vand(er) underst(er) rykelen ned(er)wert op zijne(n) last/ It(em) de voirs(creven) wynne sal ongehouden zijn te leve(re)n dierste/ drie jae(re) van e(n)nige walme mair sal gehouden zijn te/ zijne(n) vierden jae(re) en(de) alsoe voirtaene zijne(n) t(er)mijn due(re)nde/ te leve(re)n int voirs(creven) hoff alle jae(re) ii(½) walms om de huysinge(n)/ dair mede te decken(e) ende alsmen den voirs(creven) walm ald(air)/ v(er)decken sal oft and(er)s yet van ouden wercke d(air) make(n) sal/ de voirs(creven) wed(uwe) de dachue(re)n betale(n) en(de) de wy(n)ne den/ werclied(en) den montcost geven It(em) es vorw(er)de dat de/ wynne bij weten(e) van m(ijn) jouffr(ouwe) oft hue(re)n procur(ator) coope(n)/ sal alle jae(re) zijne(n) t(er)mijn due(re)nde vijftich mandelen stroos/ d(air)aff m(ijn) jouffr(ouwe) betale(n) sal de twee deelen en(de) de wynne/ tderdel en(de) de wynne sal dat voirs(creven) stroo moete(n) hale(n)/ sond(er) m(ijn) jouffr(ouwe) cost It(em) sal de voirs(creven) wynne allen/ den leem hout steene theene(n) dacroeden en(de) desmen ae(n)de/ voirs(creven) huysinge behoeve(n) sal naerde(r) halen sal op sijnen/ last It(em) sal de voirs(creven) wynne m(ijn) jouffr(ouwe) doen alle jae(re)/ zijne(n) t(er)mijn due(re)nde vier carweyen met sijne(n) wagen(en)/ en(de) p(er)den alsoe v(er)re als van breysem tot loeven(en) ende/ des sal hem de voirs(creven) jouffr(ouwe) jairlijcx geven drie ellen/ wullens lakens It(em) sal de voirs(creven) wed(uwe) hebben halff/ doeft en(de) noten ald(air) wassen(de) en(de) des sal de voirs(creven) wed(uwe)/ d(air) synden eene(n) man om den wynne die te hulpen t(er)/ eerden te leve(re)n den welke(n) de voirs(creven) wynne den/ montcost geven sal en(de) de wed(uwe) de dachue(re)n betalen/ It(em) de wynne sal der wed(uwe) hellicht sculdich zijn/ te loeven(en) oft te thiene(n) te leve(re)n dairt der selver wed(uwe)/ gelieven sal It(em) m(ijn) jouffr(ouwe) sal den wynne leve(re)n tot/ brootcoren(e) drie mudden rogs welke drie mudden rogs
//
de wynne m(ijn) jouffr(ouwe) betalen sal bynne(n) drie jae(re)n te/ weten(e) dierste en(de) een mudde rogs s(in)[te] andriesmesse/ naistcomen(de) a(n)no xciii tweede mudde s(in)[te] andriesmesse/ a(n)no xciiii ende tderde mudde s(in)[te] andries(mes)s[e] a(n)no xcv/ It(em) m(ijn) jouffr(ouwe) sal den wynne leve(re)n xi sacke(n) somer/ corens die de wynne betalen sal te drie t(er)mijne(n)/ d(air)af hij dierste jair o(n)gehouden sal sijn yet te betalen(e)/ It(em) de voirs(creven) wynne heeft gekint dat m(ijn) jouffr(ouwe) hem/ geleent heeft om dair met twee p(er)de te coopen(e) xvi r(ins) g(ulden)/ en(de) de wynne sal dese xvi rinsgulden(en) m(ijn) jouffr(ouwe) bet(alen)/ bynne(n) acht jae(re)n ingaen(de) dierste pay(ment) te zijne(n) yersten/ jae(re) ende elcx jairs met twee rinsgulden(en) It(em) de wy(n)ne/ sal ongehouden sijn van e(n)nigen montcoste ind(en) rep(ar)eri(n)g(en)/ vand(en) huys(en) dierste jair It(em) is vorw(er)de dat de wynne/ sal te sijnen afscheiden(e) laten besaeyt met rogge acht/ boende(re) ende x boende(re) stortten o(m)me gedaen en(de) ix boende(re)/ braken o(m)me Ende te sijne(n) afscheiden(e) vand(en) roggen(en)/ saytijde voirts tot halfm(er)te gheen mest uuytvue(re)n en/ sal Ende alle dese voirs(creven) vorwerden (et)c(etera) Cor(am) grave(n)/ naen m(ar)tii quarta

It(em) gielijs tyelens brued(er) des voirs(creven) wy(n)ne/ heeft de voirs(creven) pechti(n)ge vand(en) selve(n) zijne(n) brued(er) ov(er)genome(n) en(de)/ gelooft der jouffr(ouwe) m(ar)gr(iete) alle pointe(n) in die(n) beg(re)pe(n) te voldoene en(de) te/ bet(alen) in om(n)i mo(do) q(uo) supra quol(ibe)t ass(ecutu)[m] Et p(rim)[(us)] cor(am) cav(er)chon zande dec(embris) pe(nultima) a(nn)[o] xciii