It(em) allen den ghenen die dese letteren zele(n) zien oft/ hooren lesen ende sunderli(n)ge den eerbae(re)n en(de) zee(r)/ wijzen hee(re)n den meye(r) burgermeeste(re)n en(de) scepen(en)/ vand(er) stadt van lovene onsen goeden vriende(n) burg(er)meeste(re)n/ scepen(en) ende raide vand(er) stadt van antwerpe(n) saluyt/ Doen u te wetene ende c(er)tifice(re)n voe(r) de gerechte wairheyt/ dat acht(er)volgende uwen lette(re)n ons bijde(n) bring(er) van/ dese(n) nuwe(n) bode gep(rese)nteert met zeke(re)n int(er)rogatorien/ van joose van mulke voe(r) u in rechte staende tegens/ gheerde yngelbrechts dair inne besloten Wij opte(n) dach/ van heden voe(r) ons metten rechte ontboden hebben en(de)/ doen comen in prope(re)n persoene anthoenis vanden/ broeke weerdt inden rooden leeuw alhier onse(n) ingeseten/ poirte(r) ende heeft bij gestaefden eede lijflijck/ aenden heiligen gehouden gesworen getuyght/ ende geaffirmeert ende ierst opt yerste article/ der voirs(creven) int(er)rogatorien dat hem wel kenlijck is/ dat de voirs(creven) joes tot zijne(n) huyse wel oft omtr(int)/ twee jair lanck t(er) tafelen ende te coste gegaen heeft/ ende dairna ten huyse adriaens vand(er) haghe(n)/ weerdt inden pelgrem alhier ende dat jacop/ casselee(re) doen t(er) tijt woende op ons(er) vrouwen/ kerchoff It(em) op tweede ende leste articulen soe/ affirmeerde voorts deselve anthoenis bij zijne(n) eede/ als voe(r) dat de voirs(creven) joos van mulke ten tijde/ doen de voirs(creven) jacop met hem coopma(n)scapte ooc/ zeke(re) coopma(n)scape dede met pete(re)n van sulx robrechte/ sas ende mettes voirs(creven) anthoenis huysvr(ouwe) en(de) meer/ ande(re)n persoonen van lijnen ende ingelsche(n) laken(en) en(de)/ dier gelijcke mair en weet niet oft de voirs(creven) jacop/ dairaene e(n)nich part gedeel wy(n)ni(n)ge oft verlies/ hadde Affirmeerde voirts de selve anthoenis bij/ zijne(n) eede als voe(r) opt derde ende vierde articelen
//
dat hi dairbij ende mede geweest heeft voe(r) den amman/ des(er) stadt aldair robrecht sas int uutgaende vand(en)/ bamesm(er)ct lestleden woude doen co(m)me(re)n zeke(re) goede/ oft pe(n)ningen die hij meynde dat jacop cassele(re) voirs(creven) ond(er)hadde/ den voirs(creven) joose toebehoe(re)nde ende dat hij jacop doen/ seyde en(de) p(rese)nteerde lijfllijck aenden heiligen te houdene/ dat hij gheen pe(n)ni(n)ge oft goede vanden voirs(creven) joese onder/ noch met hem te doene en hadde mair dat zij van/ malcande(re)n gesceyden wae(re)n ende egheen geselscap in/ coopma(n)scapen met malcande(re)n meer en hadden Affirme(re)nde/ voirts opt vijfste artikel dat hem wel kenlijck is/ dat jacop casselee(re) een nyen huys heeft doen maken/ op ons(er) vrouwe(n) kerchoff voirg(eruert) ende dat hij den/ voirs(creven) jacoppe heeft hooren seggen dat hijt met/ zijne(n) gelde ende goede ende nyemants anders/ hadde doen maken ende and(er)s en stont hem niet/ voe(r) vanden int(er)rogatorien voirs(creven) Ende aengaende/ meeste(re)n cornelise henrici ind(er) zelv(er) int(er)rogatorien/ begrepen soe en hebben wij dien niet connen/ ov(er)hooren mits dat hij alnoch absent ende uut(er) stadt/ is zonder argelist Ende want het godlic en(de) redelic/ is in allen rechtv(er)digen saken der wairheit getuyge/ te gevene ende bijsundert alsmen des versocht wordt/ soe eest dat wij des versocht zijnde als bove(n) den/ zegel te saken der voirs(creven) stadt van antwerpen hier/ onder op hebben doen drucken Gegeven int jair/ ons he(re)n [alsme(n) screef] m cccc en(de) xciii opte(n) xvii[te(n)] dach van meye/ geteekent jcobbaert