Item jan paeps zone wijlen henricx jan ende joes paeps/ gebruede(re)n d(i)c(t)o judoco p(ri)us ema(ncipa)[to] in p(rese)ncia hebben genome(n)/ ende bekynt genome(n) te hebben indivisim van henricke van/ heymo(n)niez ende joese van kerckem als procur(eur)s ende voirgang(er)s/ des edele en(de) moegen(de) hee(re) he(re)n jans van berghe(n) hee(re) van/ berghe(n) opten zoom (et)c(etera) alsulken vi(½) boende(re)n lants en(de)/ een half dachmael als de selve hee(re) liggen(de) heeft opde/ groeve bijder stadt alh(ier) te weten(e) Ierst twee boende(re) paulo/ in een stuck gelegen opten zwalue(n)berch tusschen de goede/ des goidsh(uys) van p(er)cke in beyden zijde(n) Item noch een half boend(er)/ lants gelege(n) bijde(n) selve(n) berch bijde h(er)strate ald(air) Item noch/ een half dachmael gelege(n) bijde(n) selve(n) swalue(n)berch bijde/ goede jans vand(er) lynden Item noch een dachmael lants gelege(n)/ op tvelt geheeten der mu(n)ctvelt regenoete(n) de voirs(creven) jan/ vand(er) lynden Item seven dach(mael) aen de quaethage bijd(en) goede(n)/ vanden groote(n) gasthuyse van loeven(en) Item drie dach(mael) opde/ groeve acht(er) de huysen comen(de) aen de strate Item noch [v] dach(mael)/ bijden boxpoele te heverle weert aen bijde goede des/ voirs(creven) jans vand(er) lynden te houden te hebben te wynne(n)
//
ende te gebruycken van half merte lestleden eenen t(er)mijn van/ xii jae(re)n deen nae dande(re) zonder middel vervolgen(de) Elcx jairs/ te weten(e) vanden drie yersten jaire(n) om ende voe(r) twelf mudden/ rogs pag(abilis) cu(m) vanno mate van loeven(en) Alle s(in)t andriesmisse/ apostels te betalen(e) ende ombegrepe(n) altijt te lichtmisse volbetaelt/ te zijn ende te loeven(en) te leve(re)n dairt mijne(n) hee(re) oft zijne(n) dyne(re)n/ believe(n) zal behalve(n) dat voe(r) dyerste jaire en(de) pacht alsnu/ s(in)t andriesmisse naistcomen(de) verschenen(de) de voirs(creven) hee(re) oft zij(n)/ geco(m)mitteerde(n) de geheele vruchten alsnu opde selve lande/ staen(de) somer en(de) wynt(er)coren trecken zullen en(de) afdoen tot hue(re)n/ prouffijte sonder dat de selve pachteners d(air) inne e(n)nig(er) sacht/ hebben zullen Ende des zullen de selve pechteners ongehoude(n)/ wesen dese naistcomen(de) s(in)t andriesmisse e(n)nige(n) pacht te/ betalen Des sal nochtans tstroe ende caf vande(n) voirscr(even)/ goeden comen(de) bliven en(de) volgen den voirs(creven) pachteners om/ die etten met hue(re)n beesten ende meste te maken ende alsdan/ te bekee(re)n opde selve lande Ende vanden ande(re)n jae(re)n/ vervolgen(de) nae de voirs(creven) drie yerste jaire(n) totten ynde vand(en)/ voirs(creven) t(er)mijn zullen de selve pechteners jairlijcx gelden/ ten t(er)mijne ende daigen voirs(creven) elcx jairs xiiii mudden rogs/ der maten ende te leve(re)n te plaetse(n) als voe(r) Item is/ voirt vorweerde dat de voirs(creven) pechteners ten lesten jaire/ zulle(n) moete(n) besaeyt laten vanden voirs(creven) lande twee boende(re)n/ wynt(er)corens dair af zij de vruchten trecken zulle(n) opte(n) voirs(creven)/ pacht behalve(n) dat tstroe volgen sal den voirs(creven) hee(re) oft zijne(n)/ voirs(creven) geco(m)mitteerde(n) tot behoef vander pachtene(re) die die alsdan/ sal moege(n) aenveerden Item desen voirs(creven) t(er)mijn due(re)nde zulle(n)/ de voirs(creven) pachteners gehoude(n) wesen de voirs(creven) lande te wynne(n)/ te werven te mergelen ende te mesten gelijck regenoete(n) bove(n)/ en(de) benede(n) ende alzoe men d(air)omtrindt gewoenlijck es van doene/ Item is voirt vorweerde oft de voirs(creven) pechtene(re)n e(n)nige(n) scade(n)/ leden bij tempeeste van were orloge oft anderssins datmen/ hen d(air)af cortsel doen zal gelijck ande(re) bove(n) en(de) benede(n)/ hue(re)n pechtene(re)n doen sullen Item ten lesten jaire sulle(n)/ de voirs(creven) pachteners sculdich zijn alleene de stortte eens
//
o(m)me te doene Item sullen de voirs(creven) p(ar)tien in weerzijde(n) van/ malcande(re)n moegen scheide(n) ten halve(n) tijde behalve(n) de ghene/ die alzoe scheiden sal wille(n) dat den ande(re)n sculdich sal zijn/ den ande(re)n tselve een jair te voe(re)n te cundigen Ende/ alle dese vorweerde(n) (et)c(etera) Et quilibet promisit al(teru)m vide(licet)/ d(i)c(t)oru(m) colonu(m) de sua tercia p(ar)te indempne(m) cons(er)vare cor(am)/ graven boechout junii xxvii