Want de voirs(creven) her arnt wijte(n) als geleydt/ ind(en) name als bove(n) nae des(er) stadt recht voir sijn/ wettich gebreck uut crachte van scepen(en) brieve(n) va(n)/ loven(en) tot allen den goede(n) beyde have en(de) erve jans/ ut(er) hellicht geheete(n) van elsbroeke sone wijle(n) jans/ jans uut(er) hellicht geheete(n) van elsbroeck sone wijle(n)/ willems henricx wijle(n) van viler arnts smeets/ jans wijle(n) de keppe(r) henricx wijle(n) ke(n)nema(n)s arnts/ wijle(n) van eycken jans wijle(n) lonijs arnts va(n)d(en)/ ynde geheete(n) raeps en(de) pet(er)s wants soe wair die/ gelegen sijn hem met brieve(n) van des(er) stadt gescreve(n)/ aenden meye(r) van werchte(r) oft sijne(n) stadhoude(r)/ alle deselve goede behoirlijck heeft doen leve(re)n/ en(de) den voirs(creven) ja(n)ne van elsbroeck en(de) ja(n)ne van elsbroeck/ ja(n)ne van viler den kinde(re)n goirts wijle(n) henricx/ arnde smeets der weduwen en(de) den kinde(re)n des/ voirs(creven) wijle(n) henricx ke(n)nema(n)s den kinde(re)n des voirs(creven)/ wijle(n) arnts van eycken der weduwen en(de) den kinde(re)n/ des voirs(creven) wijle(n) jans lonijs arnde vand(en) ynde/ geheete(n) raeps en(de) pete(re)n wants dach van rechte/ alhier te compare(re)n inde banck voe(r) meye(r) en(de) scep(enen)/ van loven(en) oft zij dair tege(n) hadden willen oppone(re)n/ doen besceyden ten welken dage nyemant come(n)/ en es noch oick p(ro)cur(ator) van hue(re)n wegen den/ voirs(creven) geleydden altijt compare(re)nde en(de) trecht/ voirt versueken(de) Soe v(er)re dat de scepen(en) van loven(en)/ t(er) manissen smeyers nae dat hen bij rescripte jans/ uut(er) hellicht geheete(n) van elsbroeck meyers van/ werchte(r) gebleken heeft de voirs(creven) leveri(n)ge en(de) dach/ besceydinge gesciet te sijne gewesen hebben voe(r)/ een vonnesse wair de wederp(ar)tie des voirs(creven)/ geleydden nyet en compareert voe(r) den opstaen(e)
//
smeyers ende der scepen(en) datmen den selven geleydde(n)/ houden soude inde macht van sijnen beleyde scepen(en) brieve(n)/ ende leveringe alsoe verre alst noch voir scepen(en) come(n)/ es In scampno nove(m)br(is) xvii