Sijn bleven ende gevalle(n) mette(n) lote als voe(r) den voirs(creven)/ henr(ick) van lare in sijn deylinge de goede naebescreven/ Ierst een block wynnents lants houden(de) ix dachmalen/ oft d(air)omtr(int) alsoet gelegen es acht(er) jans rose inde p(ro)chie/ van berchsem opden co(m)mer en(de) last van drie mudden thien/ mol(evate) rocx erfpacht aen tcloester vand(en) wittevr(ouwen) te lov(en)/ viii d(eniere) bone twee cap(uynen) vi d(eniere) erff(lijck) en(de) voirt op she(re)n/ chijs vand(en) gronde d(air) te voe(re)n uuytgaen(de) t(er)mi(ni)s debit(um)/ p(er)solven(dum) van welk(er) acht pe(n)ning(en) boene voirs(creven) dese/ goede sculdich sullen sijn te lossen de vijff dach(malen) en(de) xxxiii/ roeden lants gelegen opden ned(er)hoff den voirs(creven) goirde/ vand(en) putte en(de) zijnd(er) huysvr(ouwe) in deylinge(n) gevallen/ ond(er)pande wesen(de) voir deselve viii d(eniere) boene Item/ een half boender eygens lants van eenen boende(r) eygens/ lants gelegen op berthe(m) bosch inde prochie van berthem/ aende v(er)nanenstrate d(air)aff den voirs(creven) goirde vand(en) putte/ en(de) zijnd(er) huysvr(ouwe) dander half boender in huer(er) deylingen/ bleven es It(em) een dach(mael) lants gelegen opten necwinckel/ inde p(ro)chie van berchsem neven de goede wout(er)s troys/ op deen zijde en(de) der efg(enamen) joes wijlen absoloens t(er) ande(r)/ zijd(en) op alsulken scotcoren als uuyte(n) selve(n) dach(mael) lants/ gaende es te weten(e) tderdendeel van eene(n) molevate/ rocx en(de) tderdendeel van eene(n) mol(evate) evenen It(em) een/ dach(mael) eygens lants gelegen inde p(ro)chie van berchsem/ opden pet(er)sborre vand(er) drie gelijck(er) dach(maelen) eygens lants/ d(air)aff dand(er) twee dach(maelen) den voirs(creven) goirde vand(en) putte/ ende sijnd(er) huysvr(ouwe) en(de) den voirs(creven) kinde(re)n wout(er)s wilen/ van lare half en(de) half in hue(re) deylinge bleve(n) zijn/ It(em) ond(er)half dach(mael) lants gelegen inde selve p(ro)chie van/ berchsem opden daelputte tusschen de goede goirts/ h(er)meys op deen zijde ende der kinde(re)n van dyeven t(er)/ ande(r) zijd(en) op den co(m)mer en(de) last she(re)n vand(en) gronde p(ri)us/ inde de(bi)[to] t(er)mi(ni)s de(bi)[t(um)] p(er)solven(dum) It(em) iii(½) dach(mael) lants leens/ gelegen in eene(n) stucke inde p(ro)chie van meerbeke aende/ comans willegen neven de bruesselsche h(er)strate/ It(em) de hoechste hellicht van drie dach(malen) beempts/ eygens gelegen aen de voirt inde prochie van/ berchsem inde strijbeempde dair aff dand(er) hellicht/ den voirs(creven) janne helscheviers en(de) zijnd(er) huysvrouwen
//
in hue(re) deylinge bleven es Item een dach(mael) eeussels gelege(n)/ onder velthem inde hoechstrate opden co(m)mer van eene(n)/ ziste(r) even(en) erfp(achts) en(de) vier tournoysen erff(lijck) dair te voe(re)n/ uuytgaen(de) t(er)mi(ni)s debit(um) p(er)solven(dum) Item noch een eeussel alsoet/ gelegen inde prochie van berchsem tusschen de goede henr(icx)/ vand(en) borch op deen zijde en(de) der kynde(re)n lambrechts op/ dander zijde opden co(m)mer en(de) last van vii moelevaten rox/ erfpachts eenen cap(uyn) vijf d(eniere) en(de) een broot erfchijs p(ri)us/ inde de(bi)[to] t(er)mi(ni)s debit(um) p(er)solven(dum) hanc quoq(ue) et sat(is)/ prout cor(am) graven bouchout m(ar)tii xiii