Vander questien gecome(n) bijde(n) raide vand(er) stadt/ tussche(n) janne boxhoe(re)n woenen(de) inde parijsstrate/ ter eende(re) ende rase [vacat] woenen(de) ind(en) huyse/ desselfs jans gelegen inde broeckstrate t(er) ande(r) zijd(en)/ aengaen(de) der hueri(n)g(en) vande(n) selve(n) huyse de/ welke de voirs(creven) jan hem eysschen(de) was ende oic/ dat hij tvoirs(creven) huys ruyme(n) soude gem(er)ct dat zijne(n)/ tijt uuyt was soe hij seyde van m(er)te lestleden/ Dwelck de voirs(creven) zijn wed(er)p(ar)tie ontkynde seggen(de)/ dat hijt hem altijt hadde moeten opseggen een/ vie(re)ndeel jairs te voe(re)n dwelc de selve jan niet/ gedaen en hadde hoopen(de) alsoe d(air)inne noch te blive(n)/ seggen(de) oick op de gevallen(en) huere loopen(de) xii r(ins)g(ulden)/tsjaers ts(jaers) oft d(air)omtri(n)t dat hij d(air)op den chijs/ verleet hadde ende tsurplus hoepte hij te legge(n)/ aen tvoirs(creven) huys gem(er)ct dat tselve zee(r) qualijc/ gerep(ar)eert was soe hij te kynne(n) gaf deylen(de)/ den voirs(creven) ja(n)ne den eedt van dat vorweerde(n)/ was als voirs(creven) steet van eene(n) vie(re)ndeel jairs/ te voe(re)n te seggen hoopen(de) alzoe int voirs(creven) huys/ alnoch te blive(n) Es get(er)mineert en(de) uuytgesproke(n)/ soe verre de voirs(creven) jan den eedt dade dat de voirs(creven)/ zijn wed(er)p(ar)tie tvoirs(creven) huys soude(n) moete(n) ruyme(n)/ ende zijnen moet hebben vand(er) ombetaeld(er)/ hue(re)n hem alnoch comen(de) ende reste(re)nde
//
behalven oft de voirs(creven) raes dair e(n)nige vruchte(n)/ besaeyt mocht hebbe(n) meer dan hij vant ten tijde/ vand(en) aenveerd(en) vand(en) selve(n) huyse dat d(air)af/ de selve jan hem inne staen zal ende zijnen/ moet crigen In cons(ili)o opidi junii xii[a]