Nae dien bijden raide vand(er) stadt comen zijn/ her jan calatijn prieste(re) ond(er)p(ro)chiaen der kercken va(n)/ s(in)te pet(er)s in des(er) stadt en(de) joes vrancx briede(re)/ exhibe(re)nde aldair een procu(r)atie der stadt van/ antwerpen ond(er) den zegel ten saken d(er) selv(er)/ stadt vand(er) daet xiiii[c] xcii xxvii novembri/ dairmede jacob vand(en) bloke wissele(re) d(er) selv(er)/ stadt van antwerpen hen ende elcke(n) van hen/ mechtich gemaict hadde van zeke(re)n guedingen/ van zijne(n) wege(n) te moegen doene van eene(n) huyse/ gelegen inde steenstrate bij he(m) vercocht henr(icken)/ vande(n) doirne mesmake(re) en(de) katlijne(n) van mole(n)beke/ zijnd(er) huysvrouwen ind(er) mate(n) deselve p(ro)cu(r)atie dat/ uutwijsde Exhibe(re)nde voirt een zeke(re) missive bijd(er) selv(er)/ stadt van antw(er)pen aen dese stadt gescreve(n) inhouden(de)/ hoe dat hij jacop henr(icken) vand(en) doirne mismake(re) v(er)cocht/ hadde een huys bynne(n) des(er) stadt gelege(n) d(aer) inne hij/ de(n) selve(n) mits d(er) o(n)mechtich(eit) zijnd(er) lede(n) met speciaeld(er)/ p(ro)cu(r)atien in dien beg(er)den te goede(n) Ende want deselve/ jacop soe o(n)mechtich was en(de) cranck zijnd(er) lede(n) dat hem/ sond(er) perikel van zijne(n) live niet moegelijck en wae(re) de/ guedinge alhier te doen(e) soe dat soude moegen/ behoeve(n) ind(er) mate(n) deselve wethoude(re)n van antw(er)pen/ dat oick c(er)tificeerde(n) Soe beg(er)den deselve wethoude(re)n/ va(n) antw(er)pen oick de voirs(creven) procur(eur)s dat d(er) stadt/ believe(n) woude gem(er)ct den noot saken voirs(creven) te con/ sente(re)n beloeve(n) en(de) te aucto(r)ize(re)n de voirs(creven) gued(inge)/ bijden voirs(creven) he(re)n ja(n)ne en(de) joese te moege(n)/ gescieden stade g(ri)pen(e) in ald(er) manie(re)n oft deselve/ jacop vande(n) bloke die selve in p(er)sone gedaen/ hadde Es bijd(er) selv(er) wet hierop int lange/ geleidt sijnde gem(er)ct den reden(en) voirs(creven) geconsen(te)ert/ en(de) geottroyeert tsgheens des voirs(creven) steet in ald(er) forme(n)/ en(de) manie(re)n voirs(creven) gedae(n) en(de) geacht(er)volght te wordde(n)/ Act(um) in (con)silio opidi julii s(e)c(un)da