Nad(er) hant geslagen ind(er) mat(en) de selve m(eester) b(er)th(elmeeus) dat doen/ woude ende te dien ynde div(er)se pe(n)ni(n)g(en) soe hij v(ers)tont/ onder de wet gestelt hadde hopen(de) dat hem tselve/ nae recht sculdich wa(r)e te gebue(re)n D(aer) tegen de/ voirsc(reven) m(eester) b(er)th(elmeeus) sustineerde dat hij met ald(er)hande/ gevalueerd(en) gelde het wae(re)n (½) stuv(er)s zasseneers oft/ ande(r) pe(n)ni(n)g(en) voir oft nae datu(m) des brieffs d(er) rinte(n)/ d(aer) questie aff was gemu(n)t gestaen soude geestimeert den/ andr(ies) gulden(en) te xxxvi stuv(er)s tvierstael te drie stuv(er)s/ ende alle ande(r) pe(n)ni(n)gen nae advena(n)t nad(er) ordinan(cien)/ bijd(en) hee(re) ende den lande d(aer)op gemaict met meer woird(en)/ ten effecte en(de) ynde voirs(creven) bijd(en) p(ar)tien geallig(eer)t Es bijd(en)/ selve(n) raide h(ier)op int lange gelet zijnde den selve(n) p(ar)tie(n)/ get(er)mineert ende uutgesproken dat de voirs(creven) m(eester) b(er)th(elmeeus)/ willen(de) afleggen de voirs(creven) een croone vand(en) tween/ staen(de) t(er) quijtingen te twee malen nae inhoudt va(n)d(en)/ brieven sculdich sal zijn d(aer) voe(r) te leggen(e) voe(r) de/ principale hootpe(n)ni(n)gen de twee deelen in gevalueerd(en)/ groten pe(n)ni(n)gen [gemu(n)t] ende cours hebben(de) voir datu(m) des briefs/ der rinte(n) voirs(creven) ende tderdedeel in cleyne(n) pe(n)ninghen/ d(aer) van (½) stuv(er)s oic als voe(r) gemu(n)t ende cours hebben(de)/ dmi(n)ste sulle(n) mote(n) zijn ende met d(aer) onder altijt den/ burgun(dischen) gulden(en) ge(re)kent te xxxvi stuv(er)s ende alle ande(r) d(enieren)/ nae advena(n)t ind(er) mat(en) dordinan(cie) vand(en) lande d(aer)op/ gemaict dat uuytwijst Ende als vand(en) pachten/ dat hij die sal moegen betalen in ald(er)hande gelde/ nutertijt cours hebben(de) In (con)s(ili)[o] opidi decembr(is) xviii