Want jan weers als man ende mo(m)boir marien/ weers zijnd(er) huysvr(ouwe) die nae des(er) stadt recht voir/ zijn wettich gebrec uuyt crachte van scepen(en) brieven/ van loeven(en) comen ende geleydt es tot allen den goeden/ beyde have ende erve henricx wijlen jordens end(de) laureys/ wijlen bloeme soe wair die gelegen zijn hem met/ brieven van des(er) stadt gescreve(n) aenden meye(r) van hale(n)/ oft zijne(n) stadhoude(r) te beetse alle de selve goede behoirl(ijc)/ heeft doen leveren ende den erfgenamen des voirs(creven)/ wijlen henricx jordens ende den kinde(re)n des voirs(creven) wijle(n)/ laur(eys) bloeme dach van rechte te comp(ar)e(re)n alh(ier) inde banc/ voir meye(r) ende scepen(en) van loeven(en) doen besceyden/ oft zij hen d(aer)tegen hadden willen oppone(re)n Ald(aer) zij/ op heden als ten verstreken(en) daige niet gecomp(ar)eert/ en zijn noch niema(n)t van hue(re)n wegen en(de) willem(me)/ van leefdale als p(ro)cur(eur) des voirs(creven) geleydden comp(ar)e(re)nde/ ende trecht voirt versueken(de) soe v(er)re dat de scepen(en)/ van loeven(en) t(er) manissen smeyers nae dat hen behoirl(ijc)/ gebleken heeft bij rappoirte boud(ewijns) bellens des(er) stadt/ bode tvoirs(creven) exploit gesciet te zijne gewesen hebben/ voir een vonnesse Wair de wed(er)p(ar)tie des voirs(creven)/ geleydden niet en comp(ar)eert voe(r) den opstaen(en) smeyers/ ende der scepen(en) datme(n) den selven geleydden vanden/ voirs(creven) goeden houden soude inde macht van zijne(n) beleyde/ scepen(en) brieve en(de) leveri(n)gen alsoe verre alst noch voir/ scepen(en) comen es in scampno februarii xviii