Nae dien roeloff de becke(re) pelsmake(r) met drie behoir/ lijken rastame(n)ten gedaen bij ja(n)ne zedelere vorste(r)/ / gevolght heeft op zeke(r) haeffelijke goede toebehoe(re)nde/ pete(re)n de(n) weert ind(en) aer te vyncke(n)bosch wesende/ inde meermy(n)ne inde proefstrate namelijck eene(n)/ vrouwen tabbart met eene(n) bonte(n) pelse ende/ ande(r) have dair wesende ende deselve roeloff/ op heden inde banck voir meye(r) en(de) scepen(en) van/ loeven(e) trecht in die(n) voirt versocht heeft Soe/ hebben de scepen(en) van loeven(e) t(er) maniss(en) smeyers ghe/ wesen met vo(n)nisse dat zij den dienae(r) vors(creven) beg(er)de(n)/ taenhoe(re)n en(de) dae(re)ntind(en) trecht Welke dienae(r) die(n)/ acht(er)volgen(de) gecleert heeft de selve drie rasteme(n)te(n)/ alsoe behoirlijck bij he(m) gesciet te zijne en(de) de(n) selve(n)/ pete(re)n in dien den [de] conde gedae(n) te hebbe(n) Welke(n)/ acht(er)volgen(de) de vors(creven) roeloff voirt trecht versocht/ heeft soe verre dat scepen(en) va(n) loven(e) t(er) maniss(en)/ smeyers gewijst hebben met vo(n)nisse dat de vors(creven)/ roeloff sijn wettighe scult bij eede verclae(re)n soude/ en(de) dae(re)ntinde(n) recht Welke roeloff die gecleert/ heeft bij zijne(n) behoirlijke(n) eede gedragen(de) seve(n)/ rinsguld(en) sond(er) cost en(de) co(m)me(r) welke(n) acht(er)vol/ gen(de) de selve scepen(en) t(er) maniss(en) smeyers gewijst/ hebben dat de vors(creven) roeloff de vors(creven) haeffelijke/ goede ten hoeghste(n) bringen zal en(de) zijn scult/ d(aer)aen nemen Ov(er)t d(aer) yet dat hijt wed(er)kee(re)n zal/ en(de) gebrect d(aer) yet dat hij voirtvae(re)n zal moge(n)/ met rechte in sca(m)pno cor(am) om(n)ibus dempto kers/ make(re) junii xxii