Want meest(er) b(er)telmeeus kyp secretar(is) der stadt van/ loeven(en) als procur(eur) jouffr(ouwe) m(ar)griete(n) mottijns al(ia)s/ heyberchs wed(uwe) lod(ewijx) wijlen uuyt(er) hellicht geleydt/ zijnde nae des(er) stadt recht voir sijn wettich gebreck/ uuyt crachte van scepen(en) brieven van loeven(en) tot allen/ den goeden beyde have ende erve wijlen jans maricke/ lod(ewijcke) ende toussains maricke gebruede(re)n sone(n) des voirs(creven)/ wijlen jans maricke soe wair die gelegen zijn/ hem met brieve(n) van des(er) stadt gescreve(n) aend(en) meye(r)/ van gest a geropont oft zijne(n) stadhoude(r) alle de/ selve goede behoirl(ijc) heeft doen leve(re)n ende den selve(n)/ gebruede(re)n dach van rechte te comp(ar)e(re)n alh(ier) inde banc/ voe(r) meye(r) ende scepen(en) oft zij hen d(aer) tegen hadden/ willen oppone(re)n doen besceyden Ald(aer) zij op heden/ als ten verstreken(en) daige niet gecomp(ar)eert en zijn/ noch nyema(n)t van hue(re)n wegen den voirs(creven) geleydd(en)/ comp(ar)e(re)nde ende trecht voirt versueken(de) soe v(er)re/ dat de scepen(en) van loeven(en) t(er) manissen smeyers na dat/ hen bij rappoirte jans driedoens des(er) stadt bode/ behoirlijc gebleken heeft dexecutie voirs(creven) gesciet/ te zijne gewesen hebben voir een vo(n)nisse Wair/ de wed(er)p(ar)tie des voirs(creven) geleydden niet en comp(ar)eert/ voe(r) den opstaen(en) smeyers ende der scepen(en) datmen den/ selve(n) geleydden vand(en) voirs(creven) goeden houden soude/ inde macht van zijne(n) beleyde scepen(en) brieve(n) ende/ leveri(n)gen alsoe verre alst noch voir scepen(en) comen es/ in scampno octobr(is) t(er)cia