Want henry de heymo(n)niez als p(ro)cur(eur) he(re)n jans/ marotten geleydt nae des(er) stadt recht voir sijn/ wettich gebreck uuyt crachte van scepen(en) brieven/ van loeven(en) tot allen den goed(en) beyde have en(de) erve/ pirarts de mont geheete(n) gaesman ende claes zijns/ soens soe wair die gelegen zijn hem met brieve(n)/ van des(er) stadt gescreve(n) aend(en) meye(r) van s(in)t jans/ gheest oft zijne(n) stadhoude(r) alle de selve goede behoirl(ijc)/ heeft doen leve(re)n en(de) den voirs(creven) p(er)sone(n) dach van rechte/ te comp(ar)e(re)n alh(ier) inde banc voir meye(r) en(de) scepen(en) van/ loeven(en) oft zij hen d(aer) tegen hadden willen oppone(re)n/ doen besceyden Ald(aer) zij op heden als ten verstreken(en)/ daige niet gecomp(ar)eert en sijn noch niema(n)t van/ hue(re)n wegen ende willem(me) van leefdale als p(ro)cur(eur)/ des voirs(creven) he(re)n jans altijt comp(ar)e(re)nde en(de) trecht voirt/ v(er)sueken(de) soe verre dat de scepen(en) van loeven(en) t(er)/ maniss(en) smeyers nae dat hen behoirl(ijc) gebleken heeft bij/[resc(ri)pte des voirs(creven) meyers] de voirs(creven) leveri(n)ge en(de) dachbesceydi(n)ge gesciet te zijne/ gewese(n) hebben voir een vo(n)nisse wair de wed(er)p(ar)tie des voirs(creven)/ geleyd(en) niet en comp(ar)eert voe(r) den opstaen(en) smeyers/ ende der scepen(en) datmen den selven/ / geleydden houden soude inde macht van sijnen beleide/ scepen(en) brieve(n) ende leveringen alsoe verre alst noch/ voir scepen(en) comen es in scampno octobr(is) xxii