Item mathijs van straesborch ende lijsbeth buysers sijn/ wijf in p(rese)ntia hebbe(n) genomen en(de) bekint genome(n)/ te hebben(e) in pechti(n)gen tegen pete(re)n vranc als procur(eur)/ adriaens van assche de moelen geheete(n) de redinge moele(n)/ eenen t(er)mijn van drie jae(re)n lanck due(re)nde eyndende/ s(in)[t] jansmesse a(n)no xiiii[c] xcvi opde vorweerd(en) en(de) cond(itien)/ nae volgen(de) Te weten(e) ierst sullen de voirs(creven) gehuyssche(n)/ hebben tot hue(re)n gebruycke dat moelenhuys metten stalle/ d(aer)aen en(de) hoysolde(r) boven de poirte sonder voirde(re)n oft/ breede(re)n sacht inde ande(r) huysingen te hebben(e) Item/ sulle(n) oic hebbe(n) tot hue(re)n gebruyke den boeg(ar)t mette(n)/ beemde en(de) coelhove met half den oefte gelijck hen vorde(re)n/ die gehouden hebben mair des sullen zijn de(n)selve(n) boeg(ar)t/ / en(de) beempt te vermaken(e) en(de) te beheymen(e) zoe hij zij/ d(aer)aff vrede hebben willen ende de leygracht ende/ ande(r) wat(er)loepen tonderhouden(e) en(de) te ruymen(e) zonder den/ cost oft last vanden voirs(creven) adriaen(e) ende oft hij/ e(n)nigen lueck omde voirs(creven) beempde te v(er)maken(e)/ behoeffde soe sal hij d(aer)toe moegen truncken de/ getijdige willige(n) sonder die and(er)ssins te moegen besigen(e)/ Item de voirs(creven) pachtene(re)n sullen oic de dijcken omtr(ent)/ der moelen sculdich zijn wel en(de) loffelijc tond(er)houden(e)/ en(de) den drayboem d(aer)op hangende te sluyten(e) op dat hij/ met wagen(en) oft p(er)den niet gebroken oft ontwee gereden/ en werdt Item de voirs(creven) gehuysschen sullen jairlijcx/ betalen voir den pacht vander voirs(creven) moelen xxxix/ mudd(en) grains de tweedeelen in rogge en(de) tderdedeel/ in t(er)wen goet molst(er) corens alsulck(er) als de moele(n)/ wynnen sal en(de) dat leve(re)n op hue(re)n cost bynne(n)/ loeven(en) t(er) plaetssen dairt hue(re)n meest(er) gelieven sal/ It(em) h(ier)enboven sulle(n) de voirs(creven) gehuysschen jairlijcx/ betalen xxxix pont hierlans was geestimeert op/ x pl(a)c(ken) tpont en(de) vii chijsgulden(en) aen tcloest(er) vand(en)/ augustijnen te loeven(en) It(em) de voirs(creven) gehuysschen/ sullen sculdich de voirs(creven) moelen hue(re)n t(er)mijn lanc/ due(re)nde te onderhouden(e) van ca(m)men en(de) spillen en(de)/ van allen ande(re)n rue(re)nde werke en(de) dat aenveerden/ op de scattinge bijd(en) moeleslage(re)n en(de) smed(en) lestwerf/ gedaen ende oft zij tselve rue(re)nde werck te hue(re)n/ afscheyden(e) arge(r) laten het zij in ysere oft in/ houte dat sullen zij oprichten Laten zijt oic/ beeter dat sal hen vergouden werden/ Item de voirs(creven) gehuysschen sullen voir elken duyme/ moelensteens die zij bynne(n) hue(re)n tijde afmalen/ sullen betalen drie rinsg(ulden) te xx stuv(er)s tstuck/ Ende de voirs(creven) adriaen sal de moelen moegen/ v(er)steyne(n) alsoe dicwijle alst hem gelieve(n) sal sonder/ des voirs(creven) pechtene(re)n wederseggen It(em) om den voirs(creven)/ adriaen(e) noch bat te verseke(re)n soe eest vorweerde/ dat de voirs(creven) gehuysschen te bamisse naistcomen(de)/ oplegge(n) ende betalen sullen alsulck(er) scult als zij nae/ avena(n)t vanden geheelen jairpachte dan in corne/ / Item es noch vorweerde soe verre de voirs(creven) gehuyssche(n)/ dese pechtinge yema(n)den anders transporteerden en(de) ov(er)gave(n)/ sonder des voirs(creven) adriaens wille oft (con)sente oft bij alsoe/ de voirs(creven) gehuyssche(n) in gebreke van betalingen bevonden/ werdd(en) naed(en) conditien boven verclairt dat in dien gevalle/ de voirs(creven) adriaen zijn moelen selve soude moegen/ aenveerden oft die verpachte(n) den ghene(n) dient hem/ gelieve(n) soude sonder dat de gehuysschen dat souden/ moegen beletten Ende alle dese vorweerden (et)c(etera) cor(am)/ beert cav(er)chon julii xxiii