Tusschen willem(me) lobbe t(er) eenre ende henr(icke) de/ heymo(n)niez als borge voir gregore motte t(er) ande(r) zijd(en)/ aengaen(de) den derthien mudden corens d(aer) voe(r) wille(m)/ henr(icke) eysschen(de) was xxvii rinsg(ulden) vand(en) xix mudde(n)/ die soe wille(m) seyde bij middele van goed(en) mans/ tussche(n) he(n) veraccordeert wae(re)n bijd(en) selve(n) gregoren/ oft henr(ic) zijne(n) borge uutgereict en(de) betaelt te/ wordden voe(r) seke(r) resten van gevallen lijfrinten die/ willems sweg(er) te weten(e) de v(o)r(screven)? motte uuytstaen(de)/ hadde aen thoff en(de) de goed(en) van melain en(de) dat/ op vuege ende (con)ditie dat wille(m) zijne(n) kuese/ vand(en) voirs(creven) xiii mudden cor(ens) oft xxvii r(ins)g(ulden) d(aer)/ voe(r) mocht doen een maent voe(r) ons(er) vr(ouwen) p(ro)cess(ie)/ dach van loeven(en) Den welken de selve wille(m)/ soe hij seyde gedaen hadde en(de) gecoren de voirs(creven)/ xxvii rinsg(ulden) voe(r) de xiii mudden corens dwelc/ / hem henr(ic) al ontkinde Es uuytgesproken bijd(en)/ raide vand(er) stadt nae dat henr(ic) meynde te/ gestaen(e) met greyne te betalen(e) ende nae den/ thoen bij willem(me) h(ier)inne geleyt die van zijne(n)/ kuese alsoe ged(aen) te hebben(e) niet en volquam/ nae dien oic wille(m) henric(ke) d(aer)aff den eedt deylde/ den welken de selve henr(ic) aen nam en(de) d(aer)aff/ zijn ontscult dede dat henr(ic) gestaen sal/ met te betalen(e) de voirs(creven) xiii mudden core(n)s/ d(aer) questie aff es In (con)s(ili)[o] op(idi) m(ar)tii x[a]