Item want de voirs(creven) jan roeloffs en(de) sijn huysvr(ouw)/ den voirs(creven) m(er)ten(e) ov(er)gegoedt hebben de voirs(creven) goed(en)/ inde stadt van dien drie mudden rocx erfpachts die/ de voirs(creven) jan roelofs hem opten derden dach septe(m)br(is)/ a(n)no nonagesimo bekynde voir scepen(en) van loeven(en)/ en(de) d(aer) voe(r) de selve m(er)ten hem nae des(er) stadt recht/ behoirl(ijc) heeft doen leide(re)n tot allen den goeden dessels/ jans en(de) de selve m(er)ten hem beducht dat e(n)nige met/ ande(r) beleyden naemaels die goed(en) soud(en) moege(n)/ / ontrecken Soe es vorweerde dat de selve m(er)ten/ dien scepen(en) brief van drie mudden core(n)s metten/ beleyde d(aer) uuyt gespruyt in esse en(de) in zijnder/ macht houden zal e(m)mer soe lange tot dat djair/ geboden die hij vanden voirs(creven) goeden doen sal onge/ calengeert gepasseert sulle(n) zijn ende die alsoe/ ongecaleng(er)t zijnde sal den voirs(creven) scepen(en) br(ief) en(de)/ beleyt d(aer) uuyt gespruyt gecasseert ende te nyeute/ gedaen wordden ende anders niet Ende te dier/ meyni(n)gen sal den brieff alh(ier) onder de wet bliven/ tot beyde d(er) selv(er) p(ar)tien behoeff cor(am) eisd(em)