Want arndt de brieve(re) geheete(n) de mu(n)te(re) die/ als p(ro)viseur ende mo(m)bour der tafelen sheylige(n)geests/ van sinte g(er)truyden te loeven(e) als geleydt nae des(er)/ stadt recht voir zijn wettich gebreck uuyt crachte/ van scepen(en) brieven van loeven(e) tot allen den goed(en)/ beyde have ende erve jans wants geheeten van/ haeght soe wair die gelegen zijn hem met/ brieve(n) van des(er) stadt gescreve(n) aenden meye(r) van/ haeght oft zijnen stadthoude(r) alle de selve goede/ behoirl(ijc) heeft doen leve(re)n ende den selve(n) janne/ wants dach van rechte te comp(ar)e(re)n alh(ier) inde banc/ voir meye(r) ende scepen(en) doen besceyden oft hij he(m)/ d(aer) tegen hadde willen oppone(re)n Ald(aer) hij op heden/ als ten verstreken(en) daige niet gecomp(ar)eert en es/ noch niema(n)t van zijnen wegen den voirs(creven) geleydd(en)/ comp(ar)e(re)nde ende trecht voirt versueken(de) soe/ v(er)re dat de scepen(en) van loeven(e) t(er) maniss(en) smeyes/ nae dat hen behoirl(ijc) gebleken heeft bij rapporte/ giel(is) eveloege des(er) stadt bode dexploict voirs(creven)/ gesciet te zijne gewesen hebben voir een vo(n)nisse/ Wair de wed(er)p(ar)tie des voirs(creven) geleydden niet/ en comp(ar)eert voir dopstaen smeyers en(de) d(er) scepen(en)/ datme(n) den selven geleyd(den) vand(en) voirs(creven) goeden/ houden soude inde macht van zijne(n) beleyde/ scepen(en) brieven ende leveri(n)gen alsoe v(er)re alst/ noch voir scepen(en) comen in scampno dece(m)br(is) xii