Item om meerd(er) sekerheyt den voirs(creven) pensionar(is)/ en(de) gehuysschen te doene vand(en) voirs(creven) lijfpen(sien)/ soe heeft de voirs(creven) h(er)jan van celle met ja(n)ne/ beerain vorste(r) pantgewijse den voirs(creven) joh(ann)ese heyms/ ind(en) name vand(en) voirs(creven) pensionar(is) en(de) gehuyssche(n)/ in handen gestelt de silve(re)n juweelen naebescreve(n)/ toebehoiren(de) den voirs(creven) he(re)n janne van celle/ Te weten(e) eenen silve(re)n pot bewapent metter/ wapen(en) bourset aulte te weten(e) half de wapen(en)/ met drie meerbloemen ende half met eene(n) gulden(en)/ cruyce met vierca(n)ten steene(n) besaeyt den voet de/ heyse tdexel ende ronto(m)me gecroent v(er)gult wegen(de)/ zesse marcken vii(½) onchen ende d(aer)omtr(ent) Item/ eenen silve(re)n hoegen croes buyten al vergult met/ drie voeten van leeukens oic v(er)gult ende boven/ opt dexel een haeswindeken liggen(de) in gruen/ amaulx wegen(de) xii onche(n) xvii(½) ingelsche ende/ / noch eenen waterpot met drie verguld(en) voeten in/ fachoene van torrekens de heyse v(er)gult tdexel/ met eene(n) v(er)gulden(en) croenken(en) ende met eenen silve(re)n/ torreken met zesse tourneelkens met drie barbelranen/ en(de) met thien gewrongen v(er)guld(en) rincxkens wegen(de)/ twee marcken xvii(½) ingelsche cor(am) eisd(em)