Tusschen geeritte yngelbrechts sijn ov(er)gegeven(en)/ cedulle(n) vanden goeden joh(ann)is heyms in rechte inde/ banck voir meye(r) ende scepen(en) van loeven(en) gethoent
//
es gheerts beleydt dat hij heeft opde goede desselfs/ joh(ann)is heyms gelesen wesende inde banck voir meye(r)/ ende scepen(en) van loeven(en) ende sijn aensprake opde selve/ goede gedaen hebbende en(de) gesustineert dat hem ende/ sijne(n) beleyde die aengewijst souden wordden navolge(n)dde/ den voirvo(n)nissen die hij d(aer)op hadde gehadt in iudicio/(contra)dictorio tegen joese(n) van mulke en(de) den borchtochten/ en(de) gelueften van verantwerden(en) die de voirs(creven) joh(ann)es/ voe(r) den selve(n) joese om joese(n) te rechte te bringhen(e)/ ende tgewijsde tusschen den selve(n) joese en(de) geeritte te/ voldoen(e) Voir welcke actie van vo(n)nissen en(de) borchtochte(n)/ hij gheerit geleydt was nae des(er) stadt recht tot allen/ den goeden have ende erve des voirs(creven) joh(ann)es gelijc voirs(creven)/ steet gea(n)noteert t(er) eend(er) ende meeste(re)n ja(n)ne vanden/ walle al(ia)s mota in zijne(n) prope(re)n name en(de) inden/ name van zijnen medeborgen des voirs(creven) joha(n)nis/ voir den wissel dien hij te houden plach nae des(er) stadt/ recht oic geleyt zijnde van oude(re)n date fan des voirs(creven)/ gheerts beleyt uuyt saken vand(en) borchtocht die zij/ voir hem gedaen hadden vanden wissele voirs(creven) die p(re)ten/ deerden met den selven hue(re)n oude(re)n beleyde des voirs(creven)/ gheerts actie van zijnen beleyde op joh(ann)is goede te/ scutten ende stille te doen staene e(m)mer tot aen d(er) tijt toe/ dat zij vand(er) selv(er) borchtocht geheelijc soud(en) sijn ontslage(n)/ en(de) ontlast en(de) d(aer)aff behoirlijc acquijt hebben t(er) and(er) zijd(en)/ Inden welck(en) hinc inde vele div(er)se reden(en) bij elck(er)/ p(ar)tien tot hue(re)r meyni(n)gen voirg(eruert) geallig(er)t zijn geweest/ soe verre dat uut(er)lijc dese questie bij scepen(en) van/ loeven(en) t(er) maniss(en) smeyers gestelt es ind(er) stadt hand(en)/ en(de) totter stadt t(er)minatien cor(am) om(n)ibus scabinis in scampno/ julii vi