SAL7388, Akte: R°42.3-V°42.1 (64 van 633)
Akte R°42.3-V°42.1
Act
Datum: 1494-07-31
Transcriptie
2021-04-06 door Roger MoriasVand(er) questien gecomen bijden raide vand(er) stadt/
tusschen katlijnen van tonge(re)n weerdynne henricx/
vliege meyers van grymb(er)gen ter eenre ende/
servaese crieckele(re) ende katkijne(n) zijnd(er) w(er)dynnen/
ter ande(r) zijden aldair de voirs(creven) katlijne van/
tonge(re)n versocht dat de voirs(creven) servaes en(de) zijn/
weerdynne ruyme(n) en leeghen soude(n) alsulken/
woen(in)ge dair zij inne woenden te voirde(r) want/
zij den selven gehuysshen d(aer)aen gheen hueri(n)gehe/
en kinde want zij hen tselve huys voe(r) kersmesse/
hadde op[ge]seeght bege(r)ende nae advena(n)t vand(en)/
tijde dat zij dat besaten hadden betali(n)ghe vand(en)/
vier rinsgulden(e) tsjaers d(aer)op de voirs(creven) s(er)vaes/
seydt dat hij tvoirs(creven) huys gehuert hadde soe la(n)ghe
//
hem dat beliefde om de voirs(creven) so(m)me jairlijcx en(de)/ dat de voirs(creven) katlijne van tonge(re)n dair inne gheen/ seggen en hadde he(n) tselve te moegen opseggen/ dan alleene hij huer een half jair te voe(re)n/ als hem dat believen soude moeghen dwelc hij/ niet en conste gethoenen want de hueri(n)ge tusschen/ hen beyden gesciet was P(rese)nte(re)nde dairvoe(r) bij/ eede genoech te doene en(de) dat hij alsoe blive(n)/ soude inde voirs(creven) woeni(n)ge niet wederstaen(de)/ hue(re)n voirnemen(en) Dairop zij replice(re)nde/ seyt dat zij hoepte dat dat tzijnd(er) eedt/ alleene niet staen en soude noch in rechte/ gefundeert en was mair dat hij dien sculd(ich)/ was te gheven(e) oft te houden ende dat zij/ huer in dien nairde(n) sculdich wae(r) te veront/ sculdigen dan hij heur te belasten met meer/ woirden ten effecte voirs(creven) in wed(er)sijd(en) gealleg(er)t/ Es get(er)mineert en(de) uutgesproken dat de/ voirs(creven) gehuysschen sculdich zulle(n) zijn vand(en)/(con)ditien der hueri(n)gen bij he(n) gealleg(er)t als voe(r)/ den eedt te gheven(e) oft te nemen(e) en(de) dae(re)ntind(en)/ recht den welken de voirs(creven) katlijne van/ tonge(re)n gep(rese)nteert heeft tot huer(er) ontschult te/ doene en(de) ter p(rese)ntien vand(er) zelv(er) wet/ gedaen heeft te weten(e) dat vorweerde was/ dat zij alsoe wel huer opsegg(en) hadde als de/ voirs(creven) gehuyssche(n) altoes een half jair te voe(re)n/ ende is alsoe genoech den selve(n) gehuysschen/ nae dien zij huers eedts volcome(n) was geseet/ ende geordineert tvoirs(creven) huys te mote(n) ruymen/ en(de) betali(n)ge te doene vanden tyde van des zij/ tacht(er) in dien souden moege(n) wesen in/ consilio opidi julii ultima
//
hem dat beliefde om de voirs(creven) so(m)me jairlijcx en(de)/ dat de voirs(creven) katlijne van tonge(re)n dair inne gheen/ seggen en hadde he(n) tselve te moegen opseggen/ dan alleene hij huer een half jair te voe(re)n/ als hem dat believen soude moeghen dwelc hij/ niet en conste gethoenen want de hueri(n)ge tusschen/ hen beyden gesciet was P(rese)nte(re)nde dairvoe(r) bij/ eede genoech te doene en(de) dat hij alsoe blive(n)/ soude inde voirs(creven) woeni(n)ge niet wederstaen(de)/ hue(re)n voirnemen(en) Dairop zij replice(re)nde/ seyt dat zij hoepte dat dat tzijnd(er) eedt/ alleene niet staen en soude noch in rechte/ gefundeert en was mair dat hij dien sculd(ich)/ was te gheven(e) oft te houden ende dat zij/ huer in dien nairde(n) sculdich wae(r) te veront/ sculdigen dan hij heur te belasten met meer/ woirden ten effecte voirs(creven) in wed(er)sijd(en) gealleg(er)t/ Es get(er)mineert en(de) uutgesproken dat de/ voirs(creven) gehuysschen sculdich zulle(n) zijn vand(en)/(con)ditien der hueri(n)gen bij he(n) gealleg(er)t als voe(r)/ den eedt te gheven(e) oft te nemen(e) en(de) dae(re)ntind(en)/ recht den welken de voirs(creven) katlijne van/ tonge(re)n gep(rese)nteert heeft tot huer(er) ontschult te/ doene en(de) ter p(rese)ntien vand(er) zelv(er) wet/ gedaen heeft te weten(e) dat vorweerde was/ dat zij alsoe wel huer opsegg(en) hadde als de/ voirs(creven) gehuyssche(n) altoes een half jair te voe(re)n/ ende is alsoe genoech den selve(n) gehuysschen/ nae dien zij huers eedts volcome(n) was geseet/ ende geordineert tvoirs(creven) huys te mote(n) ruymen/ en(de) betali(n)ge te doene vanden tyde van des zij/ tacht(er) in dien souden moege(n) wesen in/ consilio opidi julii ultima
Nagekeken door: kristiaan magnus
Moderator: kristiaan magnus
Laatste update:: 2017-01-18 door Xavier Delacourt