Opt rastame(n)t dat jan bierain als vorste(r) gedaen/ heeft ten versueke van eend(er) vr(ouws) p(er)sone anne van symone/ franchois op een peert toebehoiren(de) ja(m)min hawart capitain/ huysges(in)ne van ons(er) genad(iger) hee(r) h(er)toge ph(ilips)e staen(de) ind(en)/ wildeman dwelc jan van onckele wert inden wilde/ man in pr(esen)tie vand(er) selv(er) vr(ouwe) hue(r) voirden raide vand(er)
//
stadt opseide niet te willen houde(n) voir gerasteert sond(er)/ besorcht te sijne van sijnen coste(n) in dien op dat zij in/ donrecht wordde bevonden en(de) dat tonrecht gerastreert/ te hebben Dair get(er)mineert werdt eve(n)verre sij woude(n)/ tselve p(er)t ond(er) trastemt(en) laten gepraemt dat sij in die(n)/ gevalle den vors(creven) ja(n)ne van oucle r(e)delijk(en) borchtochte/ stellen soude voir de costen vand(en) selv(en) p(er)de op dat zij/ in ongelijc wordde bevond(en) en(de) dat tonrecht gerasteert/ te hebben oft ten mi(n)sten dat sij soe vele doen alh(ier) na(n)tize(re)n/ als de cost(en) vand(en) selve(n) p(er)de soud(en) mogen gedragen ten/ mi(n)sten van eene(n) genechte van xiiii nachten om deselve/ costen d(aer)aen te verhalen ende want sij soe de weert/ den voirs(creven) raide te kynne(n) heeft geg(even) ewech getogen/ was sond(er) deen oft dande(r) te doen(e) en(de) tpert wel drie/ oft vier daigen was blive(n) staen(de) in sijn h(er)berge naed(er)/ selve(r) t(er)minat(ien) en(de) de vors(creven) ja(m)min v(er)cocht dat he(m) sijn/ p(er)t volgen mochte gem(er)ct dat hij huysgesinne was als/ voe(r) en(de) p(rese)nteerde hue(r) soe willem van assche lieuten(ant)/ mijns hee(re)n smeyers alh(ier) seyde en(de) d(er) stadt te kynnen/ gaff te rechte te staen(e) voir den hoeffmeest(er) mijns genad(ichs)/ he(re)n den p(re)voyst demarisschal d(aer) dat behoirde Soe es/ den selve lieuten(ant) geconsenteert en(de) gecleert dat hij ind(en)/ name vand(en) hee(r) tselve ontslach sal doen en(de) den voers(creven)/ ja(m)min sijn p(er)t doen volgen nemen(de) van hem cautie ende/ gelufte oft d(aer) aff e(n)ig(en) last quame dat te v(er)antw(er)d(en)/ en(de) eene(n) yegelijk(en) dient aencleeft d(aer)aff tontlasten in/ cons(ilii) op(idi) p(rese)ntibus b(er)ge sub(stitu)[to] zande burg(imagis)[tr(is)] et c(er)tis/ aliis de (con)s(ili)[o] ap(ri)lis iiii[ta]