Tusschen ja(n)ne yden die voir den raide vand(er) stadt/ ontboden hadde janne vynck bege(re)nde vand(en) selven/ janne wed(er) te hebben(e) tgene des hij hem meer betaelt / hadde vand(er) iiii(½) dach(mael) ende xii roeden bosch die hij/ hem vercocht hadde om ix rinsg(ulden) en(de) d(aer) op hij hem/ bet(aelt) hadde vii r(ins)g(ulden) dair de mate vand(er) selven/ bossche bevonden was gedragen(de) want soe bij cleer/ nissen vand(er) gheswoirene lantmete(r) en(de) sijne(n) cnape/ en(de) desselfs jans vynck wercman die dat gemeten/ hadde vonde(n) soude wordden deselve mate vand(en)/ selven bossche niet soe hooge vele gedragen(de) en(de)/ dat tselve tstuck en was niet groot(er) dan een/ dach(mael) en(de) xlii roeden t(er) eende(r) en(de) den selve(n) ja(n)ne/ vynck t(er) ande(re) nae dien deselve jan yden d(aer)op/ tot sijnen thoen gewijst sijnde mits ontkynnen/ des voirs(creven) jans vynck en(de) gethoent hebben(de) mette(n)/ p(er)sone voirs(creven) des voirs(creven) jans yden opdoen Es uuyt/ gesproken en(de) get(er)mineert bijd(en) raide vand(er) stat/ dat deselve jan vync gehoud(en) sal sij(n) de(n) vors(creven) ja(n)ne/ yden wed(er) te geve(n) so vele gelts als hij he(m) meer bet(aelt) heeft/ dan danvena(n)t vand(er) mate(n) vand(er) vors(creven) bossche gelijck voe(r)/ bevonden es te dragen(e) in (con)s(ili)[o] opidi vi ap(ri)lis