Want arndt hanckart als geleydt nae des(er) stadt recht/ voir zijn wettich gebreck uut crachte van scep(enen) brieven/ van loeven(e) tot allen den goeden beide have en(de) erve/ jehan wijlen francque jehan wijlen francque zijns/ zoens ende symoens ende baudewijns francke/ gebruede(re)n soe wair die gelegen zijn hem met brieven/ van des(er) stadt gescreven aenden meye(r) van mont s(in)t wibert/ oft zijne stadhoude(r) alle de selve goede behoirl(ijck) heeft/ doen leve(re)n en(de) den voirs(creven) gebruede(re)n en(de) hue(re)n wi(n)nen/ dach van rechte alhier te (com)pare(re)n inde banck voir/ meye(r) ende scepen(en) van loeven(e) oft zij hen d(aer)tegen/ hadden willen oppone(re)n doen bescheyden Aldair/ zij niet gecomp(ar)eert en zijn noch nyema(n)t van/ hue(re)n wegen en(de) de voirs(creven) geleydde compare(re)nde/ trecht voirt versocht heeft soe hebben scepen(en)/ van loeven(e) t(er) mannissen smeyers nae dat hen/ behoirl(ijck) heeft doen blijcken bij rapporte vand(en) belle(n)s/ des(er) stadt bode tvoirs(creven) exploit behoirlijck geschiet te/ zijne vonneslijck gewijst wair de wed(er)p(ar)tie des/ voirs(creven) geleydd(en) niet en (com)p(ar)eert voe(r) den opstaen(en)/ smeyers en(de) der scepen(en) datme(n) den selv(en) geleydd(en)/ vand(e) voirs(creven) goede(n) houde(n) soude inde macht va(n) zijne(n)/ voirs(creven) bel(eyde) scepen(en) br(ieven) en(de) leveri(n)g(en) alsoe v(er)re alst noch/ voir scepen(en) comen es in scampno julii xxiiii