Nae dien arndt smeyers inden name vande(n) dorpe/ van kersbeke met c(er)tificatien der wet van miskem/ en(de) oic met bekenne jacops vrancx van wegen/ sdorps van zoirbeempde zijnd(er) wed(er)p(ar)tien heeft/ doen blijcken vand(er) rechtvorder(in)gen gebuert voe(r)/ deselve wet van miskem op janne stijls van/ zoerbeemde inden name vanden selven dorpe/ soe verre dat d(aer) opden selven janne stijls bijden/ voirs(creven) arnde smeyers inden name als voe(r) en(de)/ als gemechticht vanden selven van kersbeke/ een aensprake aengaen(de) zeke(re) pe(n)n(in)gen die de/ selve van kersbeke gehaelt hadden t(er) finan(cien) aen/ mijne(n) hee(r) van elde(r) was gebuert dat oic de/ voirs(creven) jan stijls inden name als voe(r) dairop/ aldair hadde geantwert ende dat bijden voirs(creven)/ arnde thoen was geleyt ende dat die sake/ stont opt vonnisse ende dat doen de selve jacop
//
scutten(de) tselve vonnesse comen es met brieven van des(er)/ stadt gefundeert dat de voirs(creven) procedue(re)n aengaen/ vanden der beiden ons genad(iger) he(re)n ende p(ar)tien alhier/ voe(r) den raide van des(er) stadt dach van rechte beteeken(de)/ nochtan dat ind(er) aenspraken voirs(creven) van egheend(er)/ beden geruert en werdt dan die pe(n)ni(n)gen die/ dair gehaelt wae(re)n t(er) finan(cien) datmen die leggen/ soude boetsschelande versueken(de) d(aer)om de selve arndt/ smeyers trenvoy vand(er) saken dair jacop de (con)trarie/ sutineerde bij diversen reden(en) namelic want der/ quotatien van beyden den dorpen van kersbeke en(de)/ zoerbeemde aengaen soude Es uutgesproken dat/ p(ar)tien bij een gaen souden en(de) veraccorde(re)n in desen/ bij middele van goeden mans opdat zij consten/ oft in gebreke van dien dat trecht zijne(n) voirtganck/ hebben souden en(de) vervolght wordden t(er) plaetssen/ van miskem voirs(creven) In consilio opidi pr(esen)tibus/ ambobus burg(imagis)t(ris) et plu(ri)bus aliis de (con)silio/ tam scabinis q(uam) consiliariis aug(usti) xxvii