Want pet(er) vrancke als p(ro)cur(eur) ad(ri)aens van assche/ als geleydt nae des(er) stadt recht voir zijn wettich/ gebreck uuyt crachte van scepen(en) br(ieven) van loeven(en) tot/ allen den goeden beyde have en(de) erve math(ijs) van straes/ borch soe wair die gelegen zijn inder stadt van/ loeven(en) oft bynne(n) der vrijh(eit) der selver hem met/br(ieven) sande(re)n vanden velde vorste(r) alle de selve goede/ behoerlijc heeft doen leve(re)n en(de) den selven mathijse/ dach van rechte te comp(ar)e(re)n alh(ier) inde banc voe(r)/ meye(r) ende scepen(en) van loeven(en) doen bescheyden/ oft hij hem d(aer) tegen hadde willen oppone(re)n Ald(aer)/ hij op heden als ten daige van rechte d(aer)toe dienen(de)/ / niet gecomp(ar)eert en es noch p(ro)cur(eur) van sine(n)t wegen/ den voirs(creven) geleydden comp(ar)e(re)nde en(de) trecht voirts/ versueken(de) soe v(er)re dat de scepen(en) van loeven(en) ter/ manissen smeyers nae dat hen behoirlijc gebleken/ heeft bij bij clernissen des voirs(creven) dieners tvoirs(creven)/ exployt gesciet te zijne gewesen hebben met vo(n)nisse/ Wair de wed(er)p(ar)tie vand(en) voirs(creven) geleydden niet/ en comp(ar)eert voe(r) den opstaen(en) smeyers ende der/ scepen(en) datmen den selven geleydden vand(en) voirs(creven)/ goeden houden soude inde macht van zijne(n) beleyde/ scepen(en) br(ieven) ende leveri(n)gen alsoe v(er)re alst noch voir/ scep(enen) comen is in scampno xxii nove(m)br(is)