Item jan van duffle scrijnmake(r) ende katlijne/ pynnocx docht(er) wijlen emonts pynnock zijn huysvr(ouw)/ hebbe(n) geloeft indivisim jonche(re)n henr(icke) van schoonhove(n)/ sone he(re)n ph(ilip)s wijle(n) van scoonhoven ridders want/ de selve wijlen h(er) ph(ilip)s voirmaels hem ende zijn goede/ v(er)bonden ende v(er)oblig(er)t heeft aenden h(er)toge van gulcke/ hee(r) van diest t(er) causen vand(er) rinte(n) staen(de) op de demanie(n)/ van diest nae dien de selve rinte verstorve(n) was/ bijd(er) doot hee(re)n henr(ix) wijlen van diest hee(r) als hij/ leefde vand(er) rivie(re)n d(aer) toe nae zijn aflivich(eit) div(er)se/ p(er)soenen p(re)tenteerde(n) recht te hebben(e) en(de) inde selve/ rinte te succede(re)n in gevalle de selve hee(r) van gulke/ die den voirs(creven) he(re)n ph(ilips)e ende zijne(n) adhe(re)nten de bet(alinge)/ vand(er) selv(er) rinten nae daflivich(eit) des voirs(creven) wijlen/ he(re)n henr(ix) van diest heeft doen doen Navolgende/ den p(ro)cesse ende vo(n)nissen d(aer) aff geweest en(de) gewese(n)/[tussche(n) de(n) selve(n) he(re)n ph(ilips)e en(de) zijne(n) medeplege(re)n t(er) eenre en(de) roela(n)t va(n) wesemale t(er) and(er) zijd(en)] uuyt saken vander selv(er) betalingen den selve(n) he(re)n/ ph(ilips)e en(de) zijne(n) medepleghe(re)n gelijc voe(r) gedaen e(n)nichssins/ gepraempt belast oft bescadicht wordde en(de) dat hij
//
mett(er) selv(er) betalingen aen he(m) gedaen naemaels niet/ en soude moegen gestaen dat hij hem in dien gevalle/ restitucie doen soude van al sgheens des hij en(de) zijn/ medepleg(er)s d(aer) aff gehaven ende ontfangen soude(n)/ hebbe(n) gehadt In alsoe v(er)re de selve jonch(e)r henr(ic)/ van schoonhove(n) oft zijn goede t(er) causen vand(er) voirs(creven)/ gelufte(n) bijden voirs(creven) he(re)n ph(ilips)e zijne(n) vader gelijc voe(r)/ gedaen in nacomen(de) tijden e(n)nichssins gepraempt/ oft bescadicht wordden dat zij den selve(n) jonche(re)n/ henr(icke) en(de) zijn goede d(aer) aff allessins restitue(ren) en(de)/ los ende vry houden en(de) costeloes ende scadeloes/ o(n)theffen sullen soe v(er)re het hue(re)n aengedeelte inde/ selve rinte dwelc gedraeght zesse rinsgulden(en)/ vijff plecken min erffel(ijc) aengaet en(de) niet vorde(r)/ V(er)binden(de) ende v(er)oblige(re)nde h(ier) voe(r) hue(r) p(er)soenen en(de)/ goede have ende erve hoedanich die zijn wair/ die gelegen zijn oft bevonden sullen moegen/ tegewoirdich en(de) toecomen(de) vercregen oft te v(er)crijge(n)/ e(m)mer ter so(m)men toe van thien rinsgulden(en) erff(elijc)/ ende niet voirde(r) alle fraude en(de) argelist uuyt/ gesceyden cor(am) tymple borch julii sexta