Want h(er) gielijs de mu(n)te(re) al(ia)s van cortbeke prieste(r)/ die als p(ro)cur(eur) vand(er) taflen des heylichs geests van/ sinte jacops te loeven(en) uuyt crachte van scepen(en) brieve(n)/ van loeven(en) tot allen den goeden beyde have en(de) erve/ comen en(de) geleydt is voir zijn wettich gebrec van/ dien ka(tlij)[ne(n)] yeven wed(uwe) willems wijlen de hertoge/ willems en(de) jans huers soens soe wair die gelege(n)/ zijn hem met brieve(n) van des(er) stadt gescreven/ aend(en) meye(r) van haecht oft zijne(n) stadthoude(r) alle/ de selve goede behoirlijc heeft doen leve(re)n en(de) den/ voirs(creven) p(er)soene(n) dach van rechte te co(m)p(ar)e(re)n alh(ier) inde/ banck voir meye(r) ende scepen(en) van loeven(en) doen besceyd(en)/ oft zij hen d(aer) tegen hadden willen oppone(re)n Ald(aer) zij/ op heden als ten daige van rechte d(aer) toe dienen(de)/ niet gecomp(ar)eert en zijn noch niema(n)t van hue(re)n/ wegen den voirs(creven) geleydden comp(ar)e(re)nde en(de) trecht/ voirt versueken(de) soe v(er)re dat de scepen(en) van/ loeven(en) t(er) manissen smeyers nae dat hen behoirl(ijc)/ gebleken heeft bij rappoirte jans driedoe(n)s des(er) stat bode/ tvoirs(creven) exployt gesciet te zijne gewesen hebben/ voir een vo(n)nisse wair de wed(er)p(ar)tie vand(en) voirs(creven)/ geleydde(n) niet en comp(ar)eert voe(r) den opstaen(en) smeyers/ en(de) der scepen(en) datmen den voirs(creven) geleyden vand(en)/ voirs(creven) goeden houden soude inde macht van zijnen/ beleyde scepen(en) br(ieven) en(de) leveri(n)gen alsoe v(er)re alst/ noch voir scepen(en) comen is in scampno decembr(ris)/ p(ri)ma