Nae dien jan pierot poirte(r) alh(ier) voe(r) den raide vand(er) stat/ te rechte betogen heeft colart pole meye(r) van leloz aengaen(de)/ drie r(ins)g(ulden) eens die hij seyt dat onder den meye(r) ende wet/ ald(aer) staen(de) wae(re)n en(de) geset hadde(n) geweest bij ja(n)ne scarnier/ tot zijne(n) behoef bege(re)nde d(aer)af betaelt te zijne (et)c(etera) D(aer)op de/ wederp(ar)tie tselve ontkynt heeft seggen(de) datme(n) niet bevi(n)den/ en soude dat e(n)nige pe(n)ni(n)gen bij ja(n)ne scarnet soe dae(n)legge(r)/ seyde ald(aer) geset wae(re)n ende dat h(er) jacop baillu vand(en)/ walssche(n) lande die pe(n)ni(n)gen aen den voirs(creven) ja(n)ne scharnet/ beslagen hadde als geconfisqueert ind(er) mate(n) de selve/ baillu dat met sijne(n) br(ieven) alh(ier) hadde(n) gecr(even) mits dien dat/ de voirs(creven) jan ten wille vanden hee(r) gewesen was/ zijne(n) live aengaen(de) bij scep(enen) van nyvele mits seke(re)n/ zijne(n) exessen en(de) alsoe lief en(de) goet verbuert hadde/ en(de) dat alsoe de selve tonrecht bij he(m) geruert wordde/ eysschen(de) borg(en) voir zijn costen want de voirs(creven)/ jan pierot niet solve(n)t en was soe hij seyde als dat/ de wethoude(re)n p(ar)tie(n) tot hue(re)n thoen(en) leggen(de) oic inne/ de voirs(creven) verweerde(r) dat de voirs(creven) jan pierot was/ inden ban en(de) alsoe niet age(re)n en mocht Dwelc ten/ daige p(ar)tie(n) in weerzijd(en) gep(re)figeert tot hue(re)n thoene/ de voirs(creven) meye(r) heeft doen bliken vand(er) voirs(creven)/ exco(mmun)icac(ie) gebuert t(er) instan(tie) va(n) meest(er) ja(n)ne wynckel/ sonder dat de voirs(creven) jan pierot d(aer)af absolutie heeft/ co(n)ne(n) gethoene(n) p(er)siste(re)nde alsoe dat hij egheenssins/ alnoch in recht ontfancbaer en was en(de) dat de/ selve verweerde(r) alsoe gelice(n)cieert soude wordd(en)/ vand(en) gerichte alh(ier) en(de) dat he(m) bijd(en) selve(n) ja(n)ne/ / pierot op geleet soude wordd(en) alle zijn costen ter/ causen van des(er) geleden Es get(er)mineert en(de) uuytgesproke(n)/ dat gem(er)ct de exco(mmun)icac(ie) voirs(creven) desselfs jans pierot in/ zijnen p(er)soen gedaen t(er) instan(tie) als voe(r) gelijc dat bleke/ dat hij noch t(er) tijt niet ontfancbaer en was om in rechte/ en(de) met zijne(n) voirnemen(en) tot nu in des(er) bij he(m) gedaen/ tegen zijn p(ar)tie voirs(creven) te moegen procede(re)n en(de) alsoe/ in die(n) v(er)doelt was in cons(ili)[o] op(idi) ap(ri)lis xiiii