Tusschen henr(icke) van ermbeghem met zijne(n) medepleg(er)s/ bedesetters te dunb(er)ghe aenleggers t(er) eenre en(de) jor(ijse)/ de gouwe(re) verweerde(r) t(er) ande(re) op den heysch en(de) settinge/ bij hen op hem gedaen van zijnen p(ar)t ende portie/ van zeke(re)n vroentcosten bij den selven jorijse ende/ arnde aberdae(n)s alhier ten huyse symoe(n)s bellens/ vorsters verseten ende oic opt vroentrecht gegaen/ van smaendaighs oft sdijssend(aighs) nae kersd(aighe) lestled(en)/ / tot noch toe dairaff zij hen betali(n)ge va(n) zijne(n)/ p(ar)t in dien heyschste(n) Vande(n) welken jor(ijs) meynde o(n)gehoude(n)/ te zijne gem(er)ct dat hij boet te bewijsen(e) dat hij twee/ oft drie daghe voe(r) den selve(n) kersmesse v(er)nueght/ hadde den vorste(r) dair zij gevroent hadden ind(er) selv(er)/ saken ende voir xxii rinsg(ulden) xvi stuv(er)s van beeden/ vanden dorpe d(aer)voe(r) zij ten versueke va(n) janne van/ scoenvorst oft a(n)thoenise deden in zijne(n) name alle/ de costen dairinne alsdoen voe(r) den selve(n) kers dach/ verseten ende gedaen ende oec voe(r) den selve(n) kersdach/ voldaen zijnen tax van xxxvi stuv(er)s dair hij doen/ op gesedt hadde geweest dat oic bij ov(er)drage/ inde(n) dorpe gemaict men hielt soe wie e(n)nige/ beede sculdich was ende die betaelde zijn p(ar)t/ van dien voe(r) en(de) eer dair e(n)nige costen op geloepe(n)/ wae(re)n dat hij o(n)gehouden soude zijn van alle(n) costen/ ende lasten die dair nae [d(aer)]op souden moeghen/ wordden gedaen Ende wa(n)t hij jor(ijs) ende arnt voirs(creven)/ dan nae des(er) betali(n)gen voirs(creven) wed(er)gehoude(n) hadden/ geweest soe hij dat oic p(rese)nteerde te thoenen voe(r)/ zeke(r) resten vande(n) selven xxii rinsg(ulden) xvi stuv(er)s/ noch ombetaelt gebleven Soe sustineerde jorijs/ oft hij dit aldus gethoenen conste dat hij der/ aenspraken o(n)gehouden soude zijn dwelc de voirs(creven)/ jor(ijs) mits ontkynnen(de) vande(n) bedesett(er)s tot zijnen/ thoene gewijst zijnde volcomelic ende al thoende/ behalve(n) alleene de betali(n)ge va(n) zijnd(er) quoten va(n)/ xxxvi stuv(er)s voldaen te hebben(e) des hij met/ getugen niet en volquam mair zijn wed(er)p(ar)tie/ dat alsoe genoech bekinde Es uutgesproken/ voir recht dat jor(ij)s o(n)gehouden sal zijn vanden/ costen hierinne gedaen zeder den selve(n) kersmesse/ nae dat hij zijne(n) tax in dien voldaen hadde/ ende dat de bedesetters inden name vanden/ / dorpe hem dairaff sculdich zullen zijn te lossen/ ende quijt te houden(e) behalven hen ende den dorpe/ huer verhalen in dien opde(n) gebreckeliken In/ consilio opidi p(rese)ntibus borch sub(stitu)[to] zande burg(imagis)[tr(is)]/ langrode hoevelde et c(er)t(is) aliis de (con)s(ili)[o] maii xii