Item want dese voirs(creven) xv rijns gul(den) eens spruten(de)/ comen uten twee rijns gulden(en) lijfpen(sien) die des voirs(creven)/ machiels wijff gehadt heeft tot hue(re)n live met scepen(en)/ br(ieven) van loeven(e) op ii vie(re)nd(ele) wijng(ar)ts desselfs meest(er)/ augustijns gelegen opten kesselberch ende die dese/ xv r(ijns)g(ulden) volbetaelt zijnde yerst doot te nyeuwte/ en(de) v(er)smelten sullen zijn soe voe(r) de hootpe(n)i(n)ge soe/ voe(r) de acht(er)stellige pachte(n) van dien soe zij des met/ vrinden op heden overcomen zijn Soe es vorw(er)de/ dat de selve b(rieven) vand(en) voirs(creven) twee rinsgulden(en) lijfpen(sien)/ in hue(r) macht en(de) wesen(e) bliven sullen sonder/ nochtan dat d(aer) aff e(n)nige pachten geeyscht sulle(n)/ moegen wordden oft vervolght t(er) meerder vestich(eit)/ vand(er) voldoeni(n)gen vand(en) voirs(creven) xv r(ins)gulden(en) om/ den voirs(creven) mych(iele) hem d(aer) mede oft mett(er) voirs(creven)/ p(er)soneeld(er) obligatie(n) dwelc van beyden hen best/ gelieft oft met beyden op dat hij wilt te moege(n)/ behulpen tallen tijden alleen(e) om te comen totten/ voldoene vand(en) selve(n) xv r(ins)gulden(en) ten t(er)mijne(n)/ voirs(creven) en(de) niet voird(er) noch anders alsoe nochtan/ dat de voirs(creven) meester augustijn altijt met/ eender betali(n)ghen en(de) voldoeni(n)gen der t(er)mijne(n) en(de)/ conditie(n) vand(en) voirs(creven) p(er)soneeld(er) obligatien der/ xv r(ins)gul(den) sal gestaen cor(am) eisd(em)