Nae dien henr(ic) vanden male die als man ende/ mo(m)boir berbele(n) vand(er) heyden zijnd(er) huysvr(ouwe) geleydt is/ nae des(er) stadt recht tot allen den goeden have en(de) erve/ diericx van langrode daneels boxhoe(re)n arndts van hove/ ende jans vanden royeele voir zesse rinsgulden(en) erff(elijc)/ bij hen bekint met scepen(en) br(ieven) van loeven(en) he(re)n pete(re)n wijle(n)/ de beye(re) canonick als hij leefde van s(in)[te] pet(er)s te loeven(en)/ ende oom der voirs(creven) berbelen vand(er) heyden hem soe/ hij seyde met symon(e) bellens vorste(r) heeft doen leve(re)n/ alle de goede have ende erve der selv(er) p(er)soenen gelegen/ bynnen des(er) stadt en(de) vryheyt en(de) den selven p(ar)tien dach/ van rechte tot seke(re)n voirleden(en) daige die tot op/ heden geco(n)tinueert en(de) vervolght zijn doen besceyden/ d(aer) te meer stonden tegen gecomp(ar)eert sijn henr(ic) van/ ravescote als p(ro)cur(eur) daneels boxhoe(re)n willem van/ / leefdale als p(ro)cur(eur) diericx van la(n)grode arndts vanden/ hove ende jans vanden royeele d(aer) uut(er)lijck de/ voirs(crevene) gedaen heeft zijn gebreck en(de) aensprake en(de)/ doen lesen zijn scepen(en) br(ieven) voirs(creven) eysschen(de) voir zijn/ conclusie dat hem die wordden voldaen beyde inden/ acht(er)stel van eenen jae(r) met coste en(de) co(m)me(r) ende d(aer)enbove(n)/ dair van assignatie ende bewijssenisse te voirde(r) wa(n)t/ hij zijn scult p(rese)nteerde ofts behoefde te ve(r)ifice(re)n bij zijne(n)/ eede sustineerde dat hem dat alsoe sculdich wae(r) te/ gescieden oft dat hem ende zijne(n) voirs(creven) beleyde d(aer)/ voe(r) de gelev(er)de goede sculdich souden zijn te volghen/ en(de) vo(n)nislijc aengewijst te wordden hem des gedrage(nde)/ totten rechte D(aer)tegen de voirs(creven) p(ro)cure(ure)n hen te meer/ stonden opponeerd(en) bij div(er)sen uutwegen ende reden(en)/ ten eene(n) male als dat op die gelev(er)de goede slaen/ souden ende gedaen zijn geweest div(er)se ande(r) oude(n)/ beleyde die sculdich souden zijn te p(ro)cede(re)n ende die/ dese geleydde behoirde te voce(re)n ende dach te doen/ doen sonder nochtan te noemen wie die oude(n)/ beleydde wae(re)n ende sonder oick dat de selve ande(r)/ oude(n) geleydde noch voe(r) noch nae gecomp(ar)eert en/ zijn noch hue(r) beleyde te voirschijne bracht en(de)/ hebben noch gep(rese)nteert hue(r) scult van dien te ve(r)i/ fice(re)n bij eede oft oic die goede d(aer) voe(r) te execute(re)n/ met rechte soe dat behoirt opdat dan dese ge/ leydde hem v(er)richten hadde moegen aen tsurplus/ Ende nae dien dese sake vele div(er)se saken van/ rechte met dusdanigen ende meer ande(re)n gelijck(en)/ uutwegen v(er)togen is geweest ende geleyt sond(er)/ dat bynnen middelen tijde e(n)nige ande(r) geleydde/ voirtcomen zijn met hue(re)n beleyden oft hebben/ die laten blijcken tot wiens goeden zij voir/ geleyt mochten zijn oft oic wie die waren die/ voe(r) geleydt wae(re)n ende uut(er)lijck de p(ro)cur(eur)s/ / voirs(creven) oft e(n)nige van dien beg(er)t hebben(de) uutstel/ ende vertreck van acht daigen men soude soe zij/ te kynnen gaven den geleydden opleggen zijne(n) cost/ en(de) v(er)loepen(en) gevallen(en) co(m)me(r) ende d(aer)enboven bynne(n)/ den selven tijde de selve rinte loffelijc en(de) naid(er)/ stad recht ende nae begrijp der scepen(en) br(ieven) van/ loeven(en) voirs(creven) v(er)panden ende assigne(re)n Ende de/ selve geleidde altijt p(er)siste(re)nde in zijn voirs(creven) (con)clusie/ ende trecht ende tvo(n)nisse strangelijc v(er)sueken(de) nae/ de lange leydinge ende v(er)volginge des h(ier) inne teg(en)/ he(m) ende sijn rechtvorderi(n)ge wae(re)n gebuert mits/ den welken hij tot gheenen inde en hadde co(n)nen/ gecomen Soe hebben de scepen(en) van loeven(en) ut(er)lijc/ h(ier)inne vand(en) meye(r) gemaent gewesen met vo(n)nisse/ wair de voirs(creven) geleydde niet voldaen en wordt/ van coste ende co(m)me(r) voirs(creven) ende d(aer)enboven va(n)d(er)/ voirs(creven) loffelik(er) v(er)pandingen ende assignatien den rechte/ genoech zijnde ten lancsten bynnen den voirs(creven) naist(en)/ acht daigen dat alsdan ende in dien gevalle den/ selven geleydden tot sijnd(er) voirs(creven) gebreken behoeff/ ende om die d(aer)aen te v(er)halen de gelev(er)de goede/ voirs(creven) volgen sullen in scampno cor(am) o(mn)ib[(us)] scabinis/ dempt(is) borch vynck m(ar)tii xvi