Allen den genen dat de voirs(creven) jan cleynarts ende/ zijn huysvr(ouwe) in p(rese)ntia hebben getra(n)sporteert ende/ ov(er)gegeven ende mits des(en) tra(n)sporte(re)n en(de) geven over/ den voirs(creven) augustijne opden berch de erfrinte(n) nabescr(even)/ Te weten(e) yerst hue(r) derdedeel van acht rinsg(ulden) erff(elijc)/ staende bevesticht op div(er)se goede en(de) onderpande she(re)n/ van diest Item noch hue(r) derdendeel van i(½) r(ins)g(ulden)/ erff(elijc) staen(de) op janne lederbijl ende zijn medeborgen/ met scepen(en) brieven van loeven(e) d(air)af zijnde Item hue(r)/ derdendeel van twintich stuv(er)s erffel(ijc) op ja(n)ne de/ moer en(de) zijn medeborgen Item hue(r) derde deel/ van xxxvi stuv(er)s erffel(ijc) op reyne(re)n de scherme(re) en(de)/ zijn medeborgen Item noch hue(r) derde deel van xxiiii/ stuv(er)s lijftochte(n) staen(de) op janne van kelfs ende zijn/ borge(n) met scepen(en) br(ieven) van rotselair Item huere/ derdendeel van seven r(ins)g(ulden) lijftochten op pauwelse/ de verwe(re) ende meer ande(re) p(er)sonen d(air)voe(r) v(er)bonden/ staende met scepen(en) brieve(n) van loeven(e) d(air)af gemaict/ om de voirs(creven) rinte(n) van vijf croene(n) erffel(ijc) aen willem(me)/ van gheele en(de) de voirs(creven) drie rinsg(ulden) erffel(ijc) aende/ fabrijke van wesemale en(de) desgelijcx oick alsulken/ i(½) rinsg(ulden) lijftochte(n) als de voirs(creven) jan cleynarts/ sculdich is katlijne(n) vand(er) hofstadt en(de) huer(er) docht(er)/ van nu voirtaene dair mede jairlijcx te betalen(e)/ consente(re)nde d(air)om ende mechtich maken(de) sonder e(n)nich/ wed(er)roepen den selve(n) augustijne om de voirs(creven) getra(n)s/ porteerde rinten te manen teysschen op te bue(re)n ende/
//
tontfangen de scepen(en) brieven d(air)af te vo(n)nissen/ te beleyden ende ofts noot zij met rechte texeque(re)n/ en(de) te vervolgen om mett(er) jairlijcsch(er) rinten d(air)af/ comen(de) de voirs(creven) co(m)me(re)n jairlijcx te betalen des(en) tra(n)s/ port en(de) mechtich(eit) due(re)nde tott(er) tijt toe de voirs(creven)/ co(m)me(re)n geheelijc gelost en(de) afgequeten sullen sijn/ met alle(n) costen d(air)op te doene en(de) niet voirde(r) noch/ langhe(r) Promitt(entes) rat(um) salvo iusto calculo vanden/ surplus dat de voirs(creven) getra(n)sporteerde rinten meer/ uuytdragen sulle(n) dan de voirs(creven) co(m)me(re)n en(de) de costen/ die d(air)op gedaen mochten wordde(n) gedragen en/ sulle(n) cor(am) eisd(em)