Item tusschen de weduwe yngelbr(echts) wijle(n) vanden/ berghe t(er) eenre ende reyne(re)n vanden putte als/ borghe thomaes mus voe(r) zijn wissel scult t(er) ande(re)/ comen(de) bijd(en) raide vand(er) stadt aengaen(de) den xxxviii/ stuv(er)s die zij op thomaes wissel voirmaels tot/ symoens h(er)mans behoeff gesedt hadde voir tvoldoe(n)/ vanden pachte van eene(n) ja(r)e van eene(n) gulden(en) rijd(er)/ lijfpen(sien) die dair noch stonden soe thomaes mus/ met sijne(n) gesc(ri)ften ende rekeni(n)gen ond(er) henr(icke)/ hanck(art) wesen(de) bekinde oick die zij vanden selve(n)/ reyne(re)n als borge voirs(creven) versocht huer betaltinghe te/ wordden(e) hopen(de) dat huer dat sculdich was te gescied(en)/ en(de) d(air) tegen reyne(r) allege(re)nde hoopte neen te voirde(r)
//
mits seke(re)n uuytroepi(n)gen van mijns genad(ichs) he(re)n/ wegen gedaen d(air)mede zij v(er)mert was die scult/ teysschen ende zij soude dat hebben moten doen/ bynnen den tijde inden ma(n)deme(n)te begrepen vanden/ welken zij de (contra)rie meynde besund(er)t aengaen(de) den/ gesetten pe(n)ni(n)gen te voirde(r) want zij van dier/ impetratien en(de) publicatie(n) niet en hadde geweten/ des zij huer p(rese)nteerde texpurge(re)n bij eede oic hadd(en)/ die pe(n)ni(n)gen te dier tijt in q(ue)stien gestaen tussche(n)/ den selven symoen(e) ende huer alsoe dat doen tbivel/ was wie die sculdich was te hebben(e) en(de) hoe vele/ symoen d(air)af getogen soude hebben die zedert bij/ huer met ande(re)n pe(n)ni(n)gen in dien vernueght es/ alsoe dat huer de selve huer pe(n)ni(n)ge(n) wed(er)quame(n)/ wairop uut(er)lijck reyne(r) seyde dat hij die pe(n)ni(n)g(en)/ inde middel came(r) onder de wet hadde gestelt en(de)/ die mocht zij halen op borgen hief sijse tontrechte/ te rechte wed(er)teke(re)n met meer woirden D(air)op/ get(er)mineert werdt dat huer de selve pe(n)ni(n)gen op/ cautie ende borchtocht volgen soude gelijc voe(r) Act(um)/ in (con)s(il)[o] opidi p(rese)ntibus graven burg(imagistr)[o] tyb substi(tu)[to]/ et plu(r)ib[(us)] aliis de (con)s(ili)[o] decembr(is) penulti(m)a