Want jan van buetsele die als procur(eur) lijsbetthen/ van langendonck nae des(er) stadt recht voir zijn
//
wettich gebreck uuyt crachte van scepen(en) br(ieven) van/ loeven(e) tot alle(n) den goeden beyde have ende erve pet(er)s/ daems soe wair die gelegen zijn hem met brieve(n)/ van des(er) stadt gescr(even) aenden meye(r) van eyndout oft/ zijne(n) stadhoude(r) alle de selve goede behoirlijc heeft doen/ leve(re)n ende besund(er)t tot alsulken twee beemden als hij/ liggen(de) heeft inde p(ro)chie van eyndout ende oick tot al/ sulken seven oft acht lichte gulden(en) eens die wille(m)/ daems brued(er) des voirs(creven) pet(er)s den selve(n) pete(re)n noch/ sculdich ende tacht(er) es uuyt saken van eend(er) schue(re)n/ behoirlijc heeft doen leve(re)n ende den voirs(creven) pete(re)n/ daems ende janne daems zijne(n) brued(er) dach van rechte/ te comp(ar)e(re)n alh(ier) inde banck voe(r) meye(r) ende scepen(en)/ van loeven(e) doen bescheiden oft zij hen d(air)tegen hadde(n)/ willen oppone(re)n Aldair zij op heden als ten daige/ van rechte d(air)toe dienen(de) niet gecomp(ar)eert en zijn/ noch p(ro)cur(eur) van hue(re)nt wegen den voirs(creven) geleidde(n)/ comp(ar)e(re)nde ende trecht voirts versueken(de) soe v(er)re dat/ de scepen(en) van loeven(e) t(er) manissen smeyers nae dat/ he(n) behoirlijc gebleken heeft bij rappoirte baud(ewijns) belle(n)s/ des(er) stadt bode tvoirs(creven) exploit gesciet te zijne gewese(n)/ hebben voir een vo(n)nisse wair de wed(er)p(ar)tie vanden/ voirs(creven) geleydde(n) niet en comp(ar)eert voe(r) den opstaene/ smeyers ende der scepen(en) datmen den selven geleydde(n)/ vanden voirs(creven) goeden houden soude inde macht van/ zijne(n) beleyde scepen(en) br(ieven) ende leveri(n)gen alsoe verre/ alst noch voir scepen(en) comen es in scampno oct(obris)/ v[ta]