Want baudewijn jorijs die uuyt crachte van scepen(en) brieven/ van loeven(e) houdende ende besittende es zesse sacken rogs/ goet ende paiabel met wanne ende vede(re)n wel bereyt/ pachts ende maten van loeven(e) erfpachts alle jae(re) sinte/ andriesmesse ap(oste)ls te betalene en(de) te loeven(e) te leve(re)n/ aen ende op de goede nabescreven gelegen inde p(ro)chie/ van bynckem hem met brieven van des(er) stadt gescr(even)/ aenden meye(r) van cu(m)ptich oft zijnen stadhoude(r) te bynckem/ alle de selve goede metgaders den haeffelike(n) ende/ gereeden goeden in ende op de selve goede en(de) ond(er)pande/ wesende soe verre die den gerechtige(n) p(ro)prietar(is) der/ selv(er) toebehoe(re)n behoirlic heeft doen leve(re)n ende pete(re)n/ van rode als p(ro)prietar(is) der selv(er) goeden dach van/ rechte te compare(re)n inde banck voe(r) meye(r) en(de) scepen(en)/ oft hij hem d(air)tegen hadde wille(n) oppone(re)n doen besceyden/ Aldair hij niet gecomp(ar)eert en is noch nyema(n)t van/ zijnen wegen den voirs(creven) baud(ewijne) jorijs compare(re)nde/ ende trecht voirt versuekende soe verre dat de/ scepen(en) van loeven(e) t(er) manissen smeyers nae dat hen/ behoirlijck heeft gebleken bij resc(ri)pte gorijs cloest/ stadhouders des meyers van cu(m)ptich de voirs(creven) leveri(n)ge/ ende dachbesceydinge behoirlijck geschiet te/ zijne vo(n)nislijck gewijst hebben Wair de wed(er)p(ar)tie/ / des voirs(creven) baud(ewijns) jorijs niet en compareert voe(r)/ den opstaene smeyers ende scepen(en) datme(n) den selven/ baudewijne houde(n) soude inde macht van zijne(n) scepen(en)/ brieve(n) en(de) leveri(n)gen alzoe verre alst noch voe(r) scepen(en)/ comen es in scampno maii xxiii/ Hier nae volgen de goede dairaff inden/ voirs(creven) vo(n)nisse mentie gemaict es/ Ierst een huys metten wi(n)nen(de) lande ende allen/ den toebehoirten houden(de) tsamen een dachmael oft d(air)omt(rint)/ gelegen tusschen de goede jans bryns t(er) eenre pet(er)s van/ rode t(er) ande(re) ende de strate ald(air) t(er) derd(er) zijden/ It(em) een boend(er) lants gelege(n) aende goede voirs(creven) tusschen de/ goede jans cost(er)mans t(er) eenre de erfgename(n) mertens/ wile(n) van opppe(n)dorp t(er) ande(re) en(de) de strate ald(air) t(er) derd(er) zijden/ It(em) een half boend(er) lants gelegen opt groot moelevelt/ tussche(n) de goede arnts vande(n) rode t(er) eenre de goede/ wilen jans van nyvele nu willems van nyvele t(er) ande(re)/ en(de) de goede van eene(n) outae(r) te kercke(m) t(er) derd(er) zijden/ It(em) een half boend(er) lants gelegen int eyndevelt tussche(n)/ de goede wile(n) lod(ewijx) goluys nu jans van eynde t(er) eenre/ jans vande(n) rode t(er) ande(re) en(de) gielis van hortbeke t(er) derd(er) zijd(en)/ Ende noch een huys ende hoff mett(er) schue(re)n stalle(n) boeg(ar)de/ ende den toebehoirte(n) houden(de) tsamen een boend(er) gelegen/ ten eynde tussche(n) de goede katlijne(n)s braecma(n)s t(er) eenre/ gie(lis) van hortbeke ten ande(re)n twee zijden en(de) de strate/ aldair t(er) vierd(er) zijden/ It(em) ende noch ii dachmael lants gelegen inde selve/ prochie t(er) plaetsse(n) geheete(n) scadewijckervelt tusschen/ de goede des abdts van vliederbeke te twee zijden/ ende goirdts dunpeep(er) t(er) derd(er) zijden