Tusschen goessen(e) vand(er) moelen woenen(de) te ghempe/ die alh(ier) bescreven hadde de bedesetters van libbeke te weten(e)/ janne ty(m)merma(n) ende janne brabants om der beden wille/ die hij van hem en(de) zijnen(n) goeden beg(er)de te hebben(e) voirde(r)/ dan hij [d(aer)af] meynde sculdich te zijne en(de) d(aer) voe(r) zij den selve(n)/ tot libbeke hadden doen houden t(er) eende(r) ende de selve/ bedesett(er)s t(er) ande(re) ald(aer) de selve goessen opdede hoe zij/ hem d(aer) af gheeyscht hadden eene(n) rinsg(ulden) d(aer) inne/ en(de) lasten(de) en(de) setten(de) soe wel de leengoede stocgoede/ als ande(re) nochtans dat hij d(aer) niet en woende ende/ gheen bedrijf en hadde en(de) dat zij hem niet anders/ gesetten en conste(n) dan als eene(n) buyten man ende/ dat zijn leengoede hem gebleven van sijne(n) sweer te/ weten(e) tgelege te guetrode metten toebehoirten van/ huyse en(de) hove (et)c(etera) tsamen houden(de) twee boende(re)n niet/ sculdich en was d(aer) inne gelast te wordden(e) Oick/ vand(en) stocgoeden die d(aer) onder zijn mochten moest/ hij betalen nae der instructien opde bede gemaict/ t(er) plaetss(en) d(aer) hij woenachtich was ende vand(en) goeden/ in ande(re)n dorpen d(aer) die gelegen wae(re)n gheen stocgoede/ wesen(de) t(er) plaetssen dair die gelegen wae(re)n ende ald(us)/ hoepte hij v(er)last te zijne D(aer) tegen de voirs(creven) bedesett(er)s/ antw(er)den(de) seyden dat goessens sweer te weten(e) eyssen/ / cost(er)ma(n)s was een ingeseten(e) vanden dorpe die van/ die van des(er) goeden dair zij goessen(e) af eyschten (con)tri/ buerde met hen ende stont te scote en(de) lote en(de) so(m)wijle(n)/ gegeven hadde van dien en(de) zijne(n) bedrive ald(aer) xiii(½)/ gulden(en) en(de) somtijts viii(½) guld(en) ende alsoe en hadde hij/ hem nu niet te beclagen(e) inde selve settinge Seyden/ oick dat de selve goede meestdeel wae(re)n vercregen(en)/ goede tegen onvry p(er)sone(n) die d(aer) te scote en(de) lote/ gestaen hadden en(de) gheen stocgoede sustine(re)nde dat/ hij d(aer) af de bede sculdich was te betalen(e) namelijc/ vand(en) naebescreven(en) goeden die zij als v(er)cregen in/ eend(er) cedullen ov(er)gaven Te weten(e) vand(en) gelege/ te guetrode met huyse hove weyen houden(de) tsamen/ twee boende(re)n It(em) van vijf vie(re)ndelen lants liggen(de)/ op dat loeken tussche(n) henr(icke) scellens te beyd(en) zijden/ It(em) (½) dach(mael) lants v(er)cregen tegen reyne(re)n machiels/ op tselve velt It(em) noch i(½) dach(mael) lants gecregen tege(n)/ claese te brake gelegen opt goerbroeckervelt It(em)/ een derdendeel van eene(n) boend(er) lants tegen matheeuse/ vand(er) eect v(er)cregen opt goerbroeckervelt It(em) v vie(re)ndeel/ lants tegen claese vand(en) hake v(er)cregen opt stocvelt/ It(em) noch i(½) dach(mael) lants v(er)cregen tegen wijlen goirde/ cokart opde grotedelle die al voir v(er)cregen/ ov(er)gegeven sijn It(em) een dach(mael) lants op dat looken/ It(em) noch (½) dach(mael) lants op tselve velt It(em) noch een/ dach(mael) lants opt goerbroeckervelt It(em) noch een derdendeel/ van eene(n) boend(er) lants opt selve velt It(em) noch/ een dach(mael) lants op tselve goerbroeckervelt It(em)/ noch i dach(mael) lants opde cleyn delle It(em) noch (½) dach(mael)/ lants opde grote delle die al soe goessen hult/ stocgoede souden zijn hoepten zij want zij allen t(er)/ beden gelegen hadden en(de) goessens sweer eyssen/ dair woenen(de) d(aer) af de bede gegeven hadde soe/ zij p(rese)nteerd(en) te bewijsen(e) thoenen(e) dat hij d(aer) aff/ alnoch ald(aer) de bede betalen soude D(aer) af goessen/ de (contra)rie sustineerde te voirde(r) yerst aengaen(de) den/ gelege metten toebeh(oirten) twee boende(re)n houden(de)/ / want die leengoede wae(re)n gehouden te leene van/ m(ijn) hee(re) van chievre en(de) alsoe ten laste van dienste(n)/ stonden d(aer) uuyt ghingen drie gouden pet(er)s erffel(ijc)/ hopen(de) d(aer) af van beden ongehouden te zijne ende/ al soude hij d(aer) af yet sculdich [zijn] des neen bijd(en) reden(en)/ voirs(creven) soe en soude dat niet co(n)nen gesijn dan vand(er)/ bet(er)heyt van dien boven de lasten d(aer) uuyt gaende/ Item opt ii[te] p(ar)ceel iii[de] vierde v[te] vii[te] pointen en(de)/ p(ar)ceelen van goed(en) voirs(creven) seyde hij goessen dat/ hij genoech bekinde dat dat v(er)cregen goede wae(re)n/ mair hoepte d(aer) af te gestaen(e) gelijc eene(n) buyte(n) man/ buyten sdorps geseten gelijc goessen doet en(de) sculdich/ is te gestaen(e) vand(er) bet(er)nissen van dien goeden Opt/ viii[te] ix[te] x[te] xi[te] xii[te] en(de) xiii[te] pointen seeght goessen/ dat die goede d(aer) inne begrepen al oude stocgoede zijn/ ende dat hij d(aer) alsoe gheen bede sculdich en is Opt/ xiiii[te] aengaen(de) den (½) dach(mael) lants opde grote delle/ gelegen seeght goessen dat dat goede leeght ond(er)/ bout(er)shem ende alsoe terot hue(re)r beden niet en steet/ oick zij(n)t stocgoede Bij desen reden(en) p(er)sisteerde hij/ in zijn gelufte Oick gaf hij over seke(r) nome(re)n van/ chijs(en) pachten en(de) pe(n)ni(n)gen d(aer)enboven uute(n) selven/ sijne(n) goeden te libbeke gaen(de) te weten(e) aen claese/ van stakenborch xii mol(evaten) even(en) en(de) drie st(uvers) aen baud(ewijne)/ henry een halst(er) even(en) en(de) eene(n) d(enier) aen henr(icke) van/ pulle een mol(evat) even(en) aende kercke van libbeke viii/ pl(a)c(ken) aen s(in)[te] machiels te loeven(e) twee halste(re)n rogs/ aen janne de raeymake(re) te cortelke ii halste(re)n t(ar)we(n)/ die hij meynde hem tegen de (con)t(ri)butie vand(en) v(er)cregen(en)/ goede t(er) beden liggen(de) te baten te moeten comen/ Ende nae dien die van libbeke voirs(creven) tot hue(re)n/ thoene gewijst zijnde ierst hadde(n) laten hoe(re)n hue(re)n/ getuyge(n) de cele bij he(n) ov(er)gegeven(de) d(aer) inne begrepen/ stonden de p(ar)ceele(n) van goeden des voirs(creven) goessens d(aer)/ af zij bede p(re)te(n)deerd(en) te hebben(e) ende de getuygen die/ hadd(en) hoe(re)n lesen soe cleerd(en) zij dat alle de selve/ p(ar)ceele(n) van goeden ind(er) selver celen begrepen wae(re)n/ / gelegen bynnen der p(ro)chien van libbeke Ende voirt/ ond(er)vraeght oft hen niet kynlijc en was dat eyssen/ cost(er)mans die sweer was des voirs(creven) goessens van allen/ dien goeden die he(m) d(aer)af toebehoirden altijt bede gegae(n)/ hadd(e) in zijnd(er) leven(der) tijt tuyghden dat eyssen dair/ woende en(de) sat bynnen sijnder tijt tot libbeke en(de) dat/ hij van allen den goeden die hem toebehoird(en) inde/ cele begrepen ende oick van zijne(n) bedrive bede gaff/ gelijc ande(re) boven (en)de beneden en(de) anders niet en weten/ behalven van vijf vie(re)ndeele(n) lants gelegen opt stocvelt/ onder libbeke die v(er)cregen zijn bij goessen(e) nae daflivich(eit)/ van eyssen(e) en(de) noch i(½) dach(mael) lants opt goerbroecvelt/ oic bij goessen(e) als voe(r) v(er)cregen en(de) insgelijcx (½) dach(mael)/ lants opt looken v(er)cregen oic bij goessen(e) als voe(r)/ nae aflivich(eit) van eyssen(e) zijne(n) zweer ende dat [alle] dande(r)/ p(ar)ceelen nae hue(re)n besten inder selv(er) cedulle(n) bregrepen/ en(de) bij dien vand(en) dorpe ov(er)gegeven eyssen(e) toebehore(nde)/ de selve eyssen d(aer) af bede ald(aer) woenen(de) als voe(r) geg(even)/ hadde ende oic van zijne(n) bedrive Nae den welken/ des(en) thoen aldus metten geheelen p(ro)cesse ov(er)hoirt/ en(de) oic de erfbr(ieven) bij goessen(e) vand(en) voirs(creven) goessenen(de)/ vand(en) voirs(creven) goeden geexhibeert met oic den leenbr(ieven)/ en(de) rijpelijc inder materien gelet oick voir oeghen/ geleet de instructie opde bede gemaict es uuytgesprok(en)/ den voirs(creven) p(ar)tien voe(r) recht dat de voirs(creven) bedesetters/ verdoelt zijn bede te willen hebben vanden voirs(creven)/ gelege met huyse hove en(de) weyden tsamen houden(de)/ twee boende(re)n leengoede wesen(de) ende dat de voirs(creven)/ goessen vand(en) voirs(creven) ii[te(n)] derden iiii[den] v[te(n)] vi[te(n)] vii[ten]/ xi[te(n)] en(de) xii[te(n)] p(ar)ceelen van goeden sculdich sal zijn bede/ te betalen(e) tot libbeke gelijc eene(n) ande(re)n buyten man/ ende vand(en) ande(re)n p(ar)ceelen sal goessen ongehoud(en)/ zijn actu(m) in (con)s(ili)[o] opidi januarii xviii