Nae dien op heden comen zijn bijd(en) raide vander/ stadt zeg(er) claes als meye(r) van halen en(de) oic als gemechticht/ oft last hebben(de) soe hij seyt vand(en) scouth(eit) van diest t(er) eenre/ ende goessen vanden kerchove en(de) henr(ic) van assche als/ scepen(en) van webbekem last in des(er) hebben(de) van hue(re)n/ mede scepen(en) en(de) vand(en) kercmeeste(re)n heyligeestmeeste(re)n/ ende ande(re)n ingeseten(en) vand(en) selven dorpe alsoe hij seyd(e)/ t(er) ande(r) zijden alse van seke(re)n questien en(de) gescillen die/ zij underling(e) hadden inden name als voe(r) t(er) causen va(n)d(en)/ gerichte ald(aer) in dien dat de voirs(creven) meye(r) inden name/ als voe(r) van ons gened(ichs) he(re)n wegen en(de) oic van wegen/ des offic(ie)rs van diest hoepte meynde en(de) sustineerde/ dat na des hoots banck recht die zij hielden de stadt/ van loeven(e) uuyt saken van seke(re)n voirgaen(de) tractaten/ bij salig(er) gedachten h(er)togen kaerle h(er)toghe wijlen van/ des(en) lande gepass(er)[t] inhouden(de) soe wel zij tot luydick/ oft sintrud(en) hue(r) ressort hadd(en) genome(n) hue(r) ressort/ voirtane nemen soud(en) alh(ier) ind(er) stadt van loeven(e) voe(r)/ scepen(en) m(ijns) gened(ichs) hee(re)n ald(aer) sij scepen(en) van webbek(em)/ / sculdich wae(re)n alle getuygeniss(en) die ald(aer) in saken den/ hee(re) en(de) p(ar)tien aencleven(de) sculdich wae(re)n te hoe(re)n ope(n)bair/ inder maten men dat costumeerde onder den rechte/ van loeven(e) als ond(er) hue(re)n hoofde ende ten ande(re)n male/ dat van allen gevechten en(de) ongevalle elc mesdoen(en)/ oft hue(r) magen nae desselfs huers hoots rechte/ sculdich soud(en) zijn den vrede te nemen(e) als dat behoirt/ bynnen xxiiii uren Seggen(de) de selve meye(r) dat hij/ de hooch(eit) van m(ijnen) gened(ichen) hee(re) ende des(er) stadt recht/ in ee(re)n houd(en) woude soe langhe hij dienen soude/ en(de) dat de scepen(en) voirs(creven) hen d(aer)nae souden hebben/ te vuegen als nae huers hoots recht ind(er) pointen/ voirs(creven) hoe wel zij hue(r) hoot in tijd(en) voirleden/ voe(r) den voirs(creven) tractate plegen te nemen tot sintruyd(en)/ Te voirde(r) want m(ijn) gened(ich) hee(r) en(de) oic de voirs(creven)/ stad van loeven(e) uuyt crachte vand(en) voirs(creven) tractate/ en(de) v(er)binteniss(en) in (contra)rien possessien wae(re)n van alhier/ te loeven(e) ten hoofde te comen(e) en(de) alsoe des(er) bancke(n)/ recht ind(er) poenten voirs(creven) te use(re)n en(de) dat zij oic/ bynne(n) brabant gelegen ende geseten wae(re)n ende dat/ zij d(aer)o(m)me in wed(er)sijd(en) genoech hier comen wae(re)n/ genoech gelast als voe(r) elc van hen om h(ier)af sond(er)/ lanck proces oft versueck de decla(ra)tie en(de) meyni(n)ge/ vanden wethoude(re)n van des(er) stadt d(aer) af te weten/ D(aer) op de voirs(creven) van webbeke(m) de (contra)rie van des/ voirs(creven) steet gesustineert hebben hopen(de) te gebruycke(n)/ hue(r) oude costumen ende usantien t(er) (contra)rien als voe(r)/ naeden rechte(n) van hue(re)n hoode dair zij hier/ voirmaels voe(r) den voirs(creven) tractate hue(r) ressort/ mochten nemen te weten(e) tot s(in)[t] truyden ende wae(re)n/ oic wel te vreden te verhoe(re)n de decla(ra)tie en(de)/ meyni(n)ghe der voirs(creven) wethoude(re)n in des(er) te voirde(r)/ want seke(r) p(ro)cessen tusschen dese stadt en(de) mijne(n)/ hee(re) van s(in)truyden int pri(n)cipael uuytstaen(de) mochten/ zijn voe(r) den raidt mijns gened(ichs) he(re)n wair/ zij sculdich souden zijn hue(r) ressort te nemen(e)/ noch hanghen(de) ombeslicht Es geseeght en(de)/ / gecleert den voirs(creven) p(ar)tien op hue(r) voirs(creven) questien/ ende vragen bij manie(re)n van p(ro)visien en(de) decla(ra)tien/ in des(er) dair nae elck hem soude hebben te vuegen(e)/ behalven altijt eene(n)yegelijcken zijne(n) rechte dien/ dat aencleven soude moegen int pri(n)cipael ende/ oick des(er) aengaen(de) soe wa(n)neer d(aer)op nairde(r) beslicht/ soude moegen sijn geschiet dair en(de) soe dat behoe(re)n/ soude nae alle voirhandelingen dat de voirs(creven)/ van webbekem hen in allen civilen saken den hee(re)/ ende p(ar)tien aengaen(de) inde voirs(creven) twee pointen/ d(aer) questie af was en(de) dier gelijcken des(er) stadt/ recht als hue(re)n hoofde d(aer) af mijn gened(ich) hee(r)/ dese stadt en(de) sijn scepen(en) van loeven(e) in possessien/ wae(re)n van ressort alhier te nemen(e) schuldich/ souden zijn te r(e)gule(re)n naed(er) costumen en(de) gewoe(n)ten/ desselfs huers hoots van des(er) stadt ende desgelijcx/ p(ar)tien soe v(er)re het hen soude moegen aengaen/ ende in realen saken gronden van erve(n) successien en(de)/ dier gelijcken aengaen(de) dat zij d(aer)aff int beleyden/ der selv(er) saken tussche(n) den hee(re) en(de) p(ar)tie deen tegen/ den ande(re)n ond(er)houd(en) souden de costume(n) ende gewoenten/ en(de) ande(r) rechten die van outs ond(er)houden zijn/ geweest ende met ande(re)n gelijcken bancken/ van gelijcker natue(re)n die onder luydick oft s(in)trud(en)/ plagen te sorte(re)n geplogen hebben te use(re)n en(de) den/ rechte genoech zijnde gethoent soud(en) moeghen/ wordden vand(en) selve(n) gelijcken bancken In des(er)/ versien oick dat de meye(r) voirs(creven) inde name als/ voe(r) dit goets tijts cundigen sal alo(m)me om elk(er)malke(n)/ d(aer) nae te vueghen(e) sonder yeman(de) in des(en) oft ande(re)n/ pointen te overvallen(e) onv(er)sien buyten reden(en) en(de)/ rechte met int(er)valle van tijde genoech wesen(de) en(de)/ behoirlijcken publicatie(n) en(de) geboden act(um) in (con)s(ili)[o]/ op(idi) cor(am) lyefk(enrode) burg(imagistr)[o] py(n)noc ty(m)ple scab(inis) et plu(r)ib[(us)] aliis de (con)s(ili)[o] febr(uarii) vi[ta]