Vander aenspraken gebuert inde banck voe(r) meye(r) en(de)/ scepen(en) bij meeste(re)n barth(elmeeuse) boeyen als p(ro)cur(eur) van m(ijn) vr(ouwe)/ en(de) den co(n)vente des godsh(uys) vand(er) banck aenleggers t(er) eend(er)/ op goirde vand(en) berge inde lelie t(er) ande(r) zijd(en) seggen(de)/ de selve p(ro)cur(eur) hoe dat de voirs(creven) m(ijn) vr(ouw) en(de) hue(r) voirseten/ nae uuytwijs(en) van seke(re)n div(er)s(en) scepen(en) br(ieven) bij hen geexhib(er)t/ gehadt en(de) gehaven hadd(en) een ame wijns erfp(achts) op eene(n)/ wijng(ar)t gelegen opten berch geh(eten) colartsberch den welken/ nu tertijt de voirs(creven) goirt besitten(de) is ind(er) maten dien/ ald(aer) tusschen zijn regenoeten gelegen is en(de) hoe dat/ m(ijn) vr(ouw) voirs(creven) ende hue(re)r voirseten over thien xx xxx/ / jae(re)n ende daigen ende meer in possessien in/ possessien hadd(en) geweest ende die alsoe betaelt/ ende want de selve goirt nu weygeri(n)ge van bet(alinge)/ nu d(aer) af maecte soe hoepte de selve p(ro)cur(eur) inden/ name als voe(r) nae den voirs(creven) besceyde de scep(enen) br(ieven)/ en(de) ande(re)n ande(re)n instrume(n)ten bij hem geexhibeert/ vand(en) tytle d(er) voirs(creven) amen wijns en(de) der dueghdelijcken/ possessien bij hem als voe(r) in feyte innegeleet dat he(m)/ die volgen soude oft den voirs(creven) gront met coste en(de) co(m)me(r)/ p(rese)nte(re)nde ofts behoef zijn behoirl(ijck) behoudt in dien nae recht/ te doene D(aer)tegen bijd(en) voirs(creven) goirde is te kynne(n) gegeven/ hoe dat de voirs(creven) m(ijn) vr(ouw) v(er)doelt was te eysschen(e) opte(n) voirs(creven)/ gront de voirs(creven) ame wijns te voirde(r) want nae e(n)nige/ voir guedi(n)g(en) hue(r) d(aer)af gebuert en(de) oic e(n)nige(n) ande(re)n besceyde/ bij huer geexhibeert van scepen(en) br(ieven) men bevi(n)t alsoe hij/ seyde dat de voirs(creven) geheel ame mair en was een halve ame/ die m(ijn) vr(ouw) d(aer)op hebben soude hem des gedragen(de) totten selven/ besceyde ende al mocht(en) m(ijn) vr(ouwen) br(ieven) een ame begripen/ dat zij nochtan mair sculdich en was een halve ame/ te hebben(e) Seggen(de) oick dat vele luden brieven hadden/ d(aer)af nochtan v(er)anderinge v(er)thieringe oft afquijtinge mochte/ geschiet zijn alst hier oick mocht zijn gebuert p(rese)nte(re)nde/ der selv(er) de voirs(creven) halve ame te betalen(e) en(de) dat zij/ d(aer) mede soude schuldich te vreden te staene Den voirs(creven)/ p(ro)cur(eur) r(e)plice(re)nde sustine(re)nde de (contra)rie seggen(de) dat opde/ voirs(creven) brieve(n) bij goirde geexhibeert niet te letten/ en was want al mocht in zijn wairscap mair/ vand(er) halv(er) amen geruert zijn d(aer) en hadde hij hem/ inden name als voe(r) niet aen te stooten mair mocht/ goirdt tselve zijn wairscap volgen soe hem dat goet/ duncke(n) soude al hadde hij oick e(n)nige ande(r) brieve/ van e(n)nigen ande(re)n spreken(de) van eend(er) halv(er) amen d(aer)mede/ als hij hoepte nae recht en consten zijn deughdelike/ scepen(en) br(ieven) en(de) ande(r) bescheid(en) bij hem geexhibeert/ niet te nyeute ged(aen) wordden ten wae(re) dat hij thoende/ br(ieven) van afquitingen oft ande(r) besceyt genoech zijnde alse/ dat dand(er) halve ame afgequete(n) soude zijn den rechte/ genoech zijnde dwelc als hij hoepte men niet bevi(n)den/ en soude besund(er)t nae de voirs(creven) possessie en(de) den behoude/ op dats behoefde en(de) hem gep(rese)nteert De voirs(creven) goirt/ / duplice(re)nde heeft altijt gep(er)severeert als voe(r) in zijnen/ voirnemen(en) seggen(de) onder den ande(re)n op de possessie bijd(er)/ voirs(creven) wed(er)p(ar)tien geallig(er)t die hij niet en ontkinde/ al mocht hij die ame betaelt hebben dat hij dat gedaen/ hadde bij ignorantien en(de) niet weten(de) dat mair een/ halve ame en soude zijn als hij sustineerde p(rese)nte(re)nde/ d(aer)af zijne(n) dueghdelik(en) eede hopen(de) soe v(er)re hij dien/ dade dat hij gestaen soude betalen(de) de voirs(creven) halve/ ame nae den besceyde bij hem geexhibeert Conclude(re)nde/ alsoe beyde t(er) (contra)rien meyni(n)g(en) en(de) voirnemen(en) es gewesen/ bijden scepen(en) t(er) maniss(en) smeyers dat soe v(er)re m(ijn) vr(ouw) vand(en)/ godshuyse vand(er) banck huer behoudt behoirlijc dade/ nae rechte als vand(en) pachte bij huer geeyscht opden/ gront dair questie af is dat huer den selven pacht/ volgen sal in scampno februarii xiiii