Item h(er) gielijs van cortbeke geheeten mu(n)te(re) prieste(r) ende/ gielijs mu(n)te(re) zijn vader app(ro)be(re)nde alsulk(en) tractaet als/ de selve h(er) gielijs zijn sone gemaict heeft met melchior/ le vos rintm(eeste)r van nyvele en(de) amela del h(er)batte meye(r)/ van dongelb(er)t t(er) eend(er) zijd(en) ende de selve amela meye(r)/ voirs(creven) inden name vand(en) selve(n) rintm(eeste)r als man en(de) mo(m)boir/ van jouffr(ouwe) joha(n)nen van dongelb(er)ge t(er) ande(re) hebben/ geloeft de selve vad(er) en(de) zone ne(m)mermeer niet te/ eyssche(n) te v(er)volgen noch d(aer)om teyssche(n) van voirleden(en)/ oft toecomen(de) tijde(n) noch and(er)s op thuys en(de) gelege metten/ toebehoirten geheete(n) te sart resebarbe p(ro)cede(re)nde vand(er)/ jouffr(ouwe) van bouler en(de) d(aer) te voe(re)n van baud(ewijne) wijle(n) smale/ / wijlen hue(re)n man toebeh(oerende) de selve goede den voirs(creven)/ melchior le vos als mo(m)boir zijns wijfs voe(r) alsulken/ lijfpen(sien) van xvi guld(en) rijd(ers) die de selve met scep(enen)/ br(ieven) beleyde van loeven(e) houden(de) was ond(er) den ande(re)n/ opde selve goede behalven he(m) hue(r) actie op ande(r)/ goed(en) meer bove(n) d(aer) voe(r) v(er)obligeert zijnde metten/ selve(n) beleyde oft and(er)ssins Voe(r) welke quijtsceldi(n)ge/ de selve giel(is) de mu(n)te(re) bekint onder en(de) in handen/ te hebben drie silve(re)n scalen en(de) een soutvat voe(r) de/ so(m)me van xx rinsg(ulden) te xx st(uvers) tstuck de welke/ hij sal moegen en(de) moten quijte(n) bynnen drie weken/ nae paesschen naestc(omende) dwelc oft hij tselve niet/ en dede de selve gielijs die sal moegen v(er)coepen/ en(de) zijn pe(n)ni(n)g(en) d(aer)aen v(er)halen cor(am) borch(oven) bouchout/ febr(uarii) xviii