Dair bijden raide vand(er) stadt comen zijn de p(ate)r ende/ p(ro)cur(eur) van sinte m(er)tens te loven(e) inden name van g(er)lecke/ van ov(er)wynge sone wijlen jasp(er)s ald(air) gep(ro)fessijt t(er) eenre/ en(de) willem(me) van ov(er)wynge en(de) jan van gheele beyde/ als mo(m)boe(re)n van joese en(de) janne van ov(er)wynge gebruede(re)n/ des voirs(creven) g(er)lecx metten selve(n) twee gebruede(re)n d(air) p(rese)nt/ zijnde t(er) ande(re) Ald(air) de selve p(ate)r en(de) p(ro)cur(eur) exhibeerden/ een cedulle tusschen hen gemaict vand(er) deylingen/ vand(en) erfgoeden wijlen der gebruede(re)n oud(er)s d(air) inne/ soe v(er)re hadd(en) gep(ro)cedeert geweest dat die tot lotingen/ was gecomen d(air) elk(er) vand(er) selv(er) gebruede(re)n wiste/ zijn p(ar)ceele(n) die hem aengeloet wae(re)n D(air) af elcx/ / gedeelte mocht gedragen xxviii rinsg(ulden) tsjaers/ soe dat dair niet meer en reste dan wettige/ verthijdinge en(de) kynnesse elc hue(re)r op des anders/ deel versueken(de) tot hue(re)r conclusie(n) dat de mo(m)boe(re)n/ voirs(creven) metten twee gebruede(re)n ond(er)wesen oft bedwo(n)gen/ wordde d(air)toe dat hen die kynnesse van deylingen/ en(de) verthijdeniss(en) en(de) opde conditien der selv(er) cedullen/ mochte gebue(re)n sij p(rese)nteerden inden name des voirs(creven)/ g(er)lijcx van gelijken te doene hopen(de) dat dat soe/ behoirde D(air) tegen de voirs(creven) mo(m)boe(re)n metten gebruede(re)n/ te kynnen gaven hoe zij wel geloefden datt(er) e(n)nige/ ov(er)comen van deylingen en(de) sceydingen mochte(n) zijn gemaict/ tussche(n) hen e(nde) op seke(r) (con)ditie(n) ald(air) geruert mair want zij zed(er)/ bevo(n)d(en) hadden div(er)se gebreke(n) namel(ijc) inde deilinge vand(en) eene(n)/ van hen van vier rijd(ers) erf(lijc) d(air) af den eene(n) afgequijt was en(de)/ vand(en) ande(re)n drie(n) en was gheen(e) betali(n)ge gesciet in xviii/ jae(re)n ende int gedeelte vand(en) ande(re)n brued(ere) was gebreck/ van twee mudde(n) cor(ens) lov(ensch) erff(elijc) d(air) af gheen br(ieven) bevond(en)/ en wordden en(de) alsoe en meynde(n) zij alnoch tott(er) deyli(n)gen/ en(de) v(er)thijdingen van rechte niet te verstaen(e) voe(r) dat/ al beslicht wae(r) D(air) tegen die vand(en) cloeste(r) allige(re)nde/ seyden dat zij sculdich wae(re)n tacht(er)volgen en(de) te passe(re)n/ de voirs(creven) deylinge en(de) v(er)thijdingen van rechte en(de)/ elc zijn aengedeelde goede en(de) p(ar)ceele(n) te vervolgen/ en(de) malcande(re)n ter assisten(tie) in dien te bate(n) te roepe(n)/ zij hadden oick p(ar)ceelen die niet clair en wae(re)n/ oft he(n) die volgen soud(en) oft niet met meer wordde(n)/ tende(re)nde alsoe tot hue(re)r voirs(creven) co(n)clusien Den mo(m)boe(re)n/ de (contra)rie sustineerde(n) en meynd(en) niet hadd(en) hue(r) wed(er)/ p(ar)tie(n) e(n)nige twivelachtige p(ar)ceele(n) van goeden oft/ rinten te deele sij en soud(en) die wel naird(er) cle(re)n en(de) mey(n)d(en)/ tot hue(re)r (con)clusie(n) voirs(creven) dat die deilinge voirs(creven) en(de) v(er)thijdi(n)ge in alle(n)/ zijd(en) soud(en) beruste(n) en(de) gesuspe(n)deert wordde(n) totte(n) ynde va(n)d(en) beslichte van dien/ en(de) dat zij gesame(n)d(er) hant in alle(n) sijde(n) die duyste(re) en(de) twifelachtige p(ar)ceele(n)/ soude(n) t(er) cleernisse(n) doen come(n) en(de) v(er)volge(n) met rechte om dan d(air) af te gescien/ des recht wese(n) soude met meer woirde(n) in w(er)sijd(en) Es uutgesproken dat/ de selve deili(n)ge en(de) v(er)thijdenisse(n) blive(n) soude(n) gesuspe(n)deert en(de) v(er)houden/ tot dat [bij] p(ar)tien in alle(n) sijden de voirs(creven) onclee(re) en(de) ontwivelachtige p(ar)ceele(n)/ gesame(n)d(er) hant v(er)volght gepuert en(de) beslicht soud(en) sijn en(de) te gelike(n) coste teg(en) en(de) aen/ de gene d(air) dat aen en(de) tege(n) behoirt te gescien om d(air)entinde(n) d(air) af te gescien en(de) die deili(n)ge/ en(de) sceid(inge) te gebue(re)n soe na recht behoe(re)n sal Act(um) in (con)s(ili)[o] op(idi) lyefk(enrode) [burg(imagistr)[o]] nyvele sub(situ)[to] py(n)noc buets(ele)/ bouch(out) scab(inis) et plu(r)ib(us) aliis m(ar)tii xv