Tusschen henr(ic) bone alh(ier) voe(r) den raide vand(er) stadt/ bescreven hebben(de) de bedesett(er)s van libbeke t(er) eenre/ vrancken vand(er) hofstadt en(de) henr(icke) van thienen inheffers/ der beden voirs(creven) t(er) ande(re) comen(de) voe(r) den selve(n) raide/ d(aer) henr(ic) bone te kynnen gaf dat zij hadden doen dorssche(n)/ in zijn schue(r) ald(aer) niet alleen(e) voir zijn bede die hij/ bereet was te betalen(e) en(de) soe hij seyde ond(er) de wet/ ald(aer) gesedt hadde van vi mudden core(n)s tsjairs d(aer)op/ zijn bate vand(en) selve(n) goede come(n) mochte bove(n) de/ co(m)me(re)n d(aer) uuyt gaen(de) mair oic voe(r) de bede vand(en)/ selven co(m)me(re)n die hij soe hij meynde niet schuldich/ / en was te dragen(e) noch dair voe(r) sijn schue(r) uuyt/ gedorssche(n) te wordden(e) mair mochten d(aer) af de bede/ halen ende sueken aende selve co(m)me(re)n oft aende ghene/ die die d(aer)op hieven als zij gevallen wae(re)n Dair/ tegen de voirs(creven) vranck en(de) henr(ic) t(er) (contra)rien sustine(re)nde/ meynde(n) die te moegen v(er)halen aende vruchten vanden/ ond(er)panden gecome(n) en(de) dat de selve bede(n) m(ijns) gened(ichs) he(re)n/ niet sculdich en wae(re)n de t(er)mijne(n) en(de) valdaigen vanden/ co(m)me(re)n d(aer) uuytgaen(de) te verwachten Te voirde(r) gem(er)ct/ oft de p(ro)p(ri)etar(is) int v(er)leggen van dien wae(r) dat hij dat/ soude moegen cortten aende selve rinten en(de) co(m)me(re)n/ Alsoe dat henr(ic) d(aer)tegen r(e)plice(re)nde seyde dat e(n)nige/ vand(en) rintie(re)n hen tegen de bet(aling) van dien oppone(re)n/ mochten oft sustine(re)n d(aer) af gheen bede sculdich te zijne/ met meer woirden Es uuytgesproken dat de selve/ henr(ic) schuldich soude sijn de selve geeyschte bede te/ voldoene oft ten mi(n)sten ald(aer) onder de wet te namptize(re)n/ t(er) meyni(n)g(en) om d(aer) op de rentie(re)n die hen tegen de bet(alinge)/ van dien wouden oppone(re)n in justicien en(de) hue(re)n defentie(n)/ in dien gehoirt zijnde d(aer) inne alsd(an) te gecieden(e) des/ trecht wijsen soude in (con)s(ili)[o] opidi cor(am) a(m)bob(us) burg(imagis)[tr(is)] no(vem)[br(is)]/ ix[a]