Want jan van bolle(n)berghe ende jan bayardt/ als geleydt nae des(er) stadt recht voe(r) hue(r) wettich/ gebreck uut crachte van scepen(en) brieve(n) van loeven(e) tot alle(n)/ den goede(n) beide have ende erve jans wile(n) de walsche/ zoe wair die gelege(n) zijn hem met janne berain vorste(r)/ alle de selve goede behoirlic hebbe(n) doen leve(re)n en(de) de wed(uw)[en]/ desselfs wile(n) jans de walsche dach van rechte te/ compare(re)n inde banck voe(r) meie(r) ende scepen(en) van loeven(e)/ oft zij huer d(air)tegen hadde wille(n) oppone(re)n doen besceyde(n)/ Aldair zij niet gecomp(ar)eert en is noch nyemant van/ hue(re)n wegen den voirs(creven) geleidden compare(re)nde ende/ trecht voirt versuekende soe verre dat de scepen(en)/ van loeven(e) t(er) manissen smeyers nae dat hen behoirlic/ heeft gebleken bij rapporte des voirs(creven) jans berain/ de voirs(creven) leveri(n)ge ende dachbesceydi(n)ge behoirlijck/ geschiet te zijne vo(n)nislijck gewijst hebbe(n) Wair/ de wed(er)p(ar)tie vande(n) geleidde(n) niet en comp(ar)eert voe(r) den/ opstaene smeyers ende der scepen(en) datme(n) de selve/ geleidde vande(n) voirs(creven) goeden houde(n) soude inde macht/ vande(n) voirs(creven) beleide scepen(en) brieve(n) ende leveri(n)gen alsoe/ verre alst noch voir scepen(en) come(n) es in sca(m)pno maii/ xxiii