Item joh(ann)es pamart die oude(r) geleydt is totten goeden ada(m)s/ symoe(n)s woenen(de) te halleer renu(n)c(ians) in p(rese)ntia heeft geco(n)se(n)teert/ ende gewillecoirt willem(me) van bauss(ele) en(de) b(er)narde de vadde(re)/ die insgelijcx totten goeden desselfs adams met eene(n) jo(n)ge(re)n/ beleide geleydt zijnde voe(r) de so(m)me van lx r(ins)gulden(en)/ te xx st(uvers) tstuck en(de) vi stuv(er)s eens inder maten de gelufte/ hen d(aer)af bijd(en) selve(n) ada(m)me voir scepen(en) van loeven(e)/ gedaen oct(obris) xxiiii lestleden dat naird(er) v(er)cleert dat/ niet tegestaen(de) den selven zijne(n) oude(re)n beleide de voirs(creven)/ willem ende bernart sullen moegen verhalen met/ hue(re)n jonge(re)n beleyde voirs(creven) de voirs(creven) lx r(ins)guld(en)/ en(de) vi st(uvers) eens met coste en(de) co(m)me(r) bij hen d(aer) om/ gedaen opde goede desselfs adams sonder hen e(n)nich/ / belet d(aer)inne te doene Behalven nochta(n)s dat de selve/ joh(ann)es metten selven sijne(n) ande(re)n beleyde opde selve goede/ desselfs adams voir al sal moegen v(er)halen ofts noot zij de/ so(m)me van thien rinsgulden(en) te xx stuv(er)s tstuck en(de) viii(½) st(uvers)/ eens de welke de voirs(creven) adam hem sculdich is soe hij/ te kynne(n) gaf van seke(re)n acht(er)stellen en(de) hem geloeft/ hadde te betalen(e) te weten(e) de vijf r(ins)g(ulden) d(aer)af te liechtmesse/ naistc(omende) drie r(ins)g(ulden) inden mey d(aer)nae en(de) twee r(ins)g(ulden) en(de)/ viii(½) st(uvers) d(aer)af te loeven(e) kermesse d(aer)nae soe zij de selve/ t(er)mijne(n) met malca(n)de(re)n genomen hebben Behoud(elijc) oic dat/ dat de voirs(creven) willem en(de) b(er)nardt hue(r) devoir doen sulle(n)/ om soe eer soe bat van hue(re)r voirs(creven) scult bet(aelt) te zijne/ cor(am) borch(oven) crol decembr(is) xxiii